حسين الشحات في رسالة غامضة: «مطلوب تكون عبد وهتشوف العجب»

نشر حسين الشحات نجم الفريق الأول لكرة القدم بالنادي الأهلي، عبر حسابه الرسمي على انستجرام رسالة غامضة، لاقت تفاعلاً واسعاً من الجماهير، في ظل اقتراب نهاية عقده مع الفريق وعدم التوصل لاتفاق حتى الآن.

وكتب حسين الشحات عبر حسابه الرسمي"انستجرام":"فيه لحظة كدة الإنسان فيها بيحس إنه عاجز تماماً.. مفيش في إيده زرار يدوس عليه يغير الواقع، ولا كلمة يقولها تريح باله". 

وتابع قائلاً"اللحظة دي هي قمة القوة لو فهمتها صح لأنك لما بتعجز، بتبدأ تفتقر للي في إيده الملكوت بجد الشد اللي أنت فيه هو اللي بيفضي قلبك من الاعتماد على الأسباب، ويرخيه تماماً في حضن المسبب".

واختتم الشحات: "أنت مش مطلوب منك تكون سوبر مان، أنت مطلوب منك تكون عبد بيعرف إمتى يسيب الحبل للي خلقه يمشيه، مطلوب منك بس تسلم وهتشوف العجب".

ومن المنتظر أن ينتهي عقد حسين الشحات مع الأهلي، بنهاية الموسم الجاري بعد مسيرة حافلة مع القلعة الحمراء، وسط محاولات من الإدارة تمديد عقده بالفترة المقبلة.