أحمد شوبير عن هبوط النادي الإسماعيلي: كان ميت إكلينيكيا والكارثة جاية من 2020
علق الإعلامي أحمد شوبير على هبوط النادي الإسماعيلي، معربا عن حزنه الشديد لما وصل إليه الفريق، مؤكدا أن ما حدث لم يكن مفاجئًا بالنسبة له.
وقال أحمد شوبير، عبر حسابه على فيسبوك: «هبوط النادي الإسماعيلي لأول مرة منذ 68 سنة شيء مؤسف وصعب، الإسماعيلي نادي كبير وعظيم وعريق، وأول فريق من مصر يحقق بطولة إفريقيا».
وأضاف: «لكني مندهش من اللي بيحصل! واحد يقولك إيه مفاجأة إن الإسماعيلي هبط مفاجأة إيه؟ ده هابط بقاله عشر ماتشات، والقصة كانت واضحة جدا، ده كان مريض وميت إكلينيكيا ومحطوط على جهاز التنفس الصناعي، وكل الحكاية كانت مسألة وقت».
وتابع احمد شوبير: «أنا من سنة 2020 بحذر وبقول إن الكارثة جاية جاية».
