منة عدلي القيعي تثير الجدل حول أحدث صيحات الشعر الكيرلي
أثارت الشاعرة منة عدلي القيعي الجدل بعد أن تحدثت عن أحدث صيحات الشعر الكيرلي وهو البونيه الحرير، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث قالت منة عدلي القيعي: “دلوقتي آخر صيحات الشعر الكيرلي بيقولوا فيه بونيه حرير كدا زي طاقية اللي بيلبسوها في المستشفيات دي المفروض نلبسها واحنا نايمين عشان نصحي نلاقي شعرنا مش هايش وجميل وكدا، السؤال دلوقتي هل عادي يوسف يصحي علي المفاجأة دي ولا لسة بدري سيكا؟”.
منة عدلي القيعي: "لو حد عايز نقد فني بناء صادم جارح مايسألنيش"
في سياق آخر، قد أثارت الشاعرة منة عدلي القيعي الجدل بعد أن أعربت عن عدم قدرتها على جرح شخص ونقده نقد لاذع وأنها ترى أن كل الأعمال المقدمة في موسم رمضان أعمالة خفيفة وجميلة، وذلك في منشورها عبر حسابها الرسمي عبر موقع التواصل الإجتماعي فيسبوك.
منة عدلي القيعي تثير الجدل
وقالت منة عدلي القيعي: “أي حد هيسألني عن أي حاجة عملها هقول حلوة وتحفة وهبقي شايفة فعلا فيها حاجة حلوة وتحفة والناس كلها حلوة وتحفة والأعمال كلها حلوة وتحفة وأنا مش مهتمة غير أني اقول لكل الناس انتوا حلوين وتحفة وبناء عليه ماحدش يقولي غير انتي حلوة وتحفة ونقفل علي كدا عشان نروح كلنا مبسوطين وسالكين وحلوين وتحفة، ولو حد عايز آراء بناءة ونقد فني بناء صادم خادش جارح قارح مايسألنيش، عشان انا دايما هقول حلو وتحفة وراضية ومرضية وكله جميل ان شاء الله، مبروك لكل اللي عمل حاجة واللي ماعملش والله فرحانالنا من كل قلبي”.
منة عدلي القيعي وزوجها
على جانب آخر، قد مازحت الشاعرة منة عدلي القيعي زوجها الفنان يوسف حشيش بعد مشهد انفصاله عن حبيبته في مسلسل كان ياما كان، الذي عُرض في موسم رمضان الماضي، وذلك من خلال منشور عبر حسابها الرسمي على موقع التواصل الإجتماعي فيسبوك.
حيث قالت منة عدلي القيعي معلقة على صور من مشهد الانفصال: “الحمد لله الذي تتم بنعمته الصالحات، جوزي فركش مع صاحبته النهاردة في المسلسل”.
