المتحدث العسكري ينشر فيلم "لهيب" للنقيب شهيد محمد زكريا أبوغزالة|فيديو

نشر المتحدث العسكري للقوات المسلحة عبر صفحته الرسمية على "فيسبوك" مقطع فيديو جديد تحت عنوان فيلم " لهيب " نقيب شهيد / محمد زكريا أبوغزالة وذلك ضمن سلسلة أفلام حكاية بطل.

يتناول الفيديو المسيرة البطولية للنقيب شهيد محمد زكريا أبو غزالة .

ويروي فيلم “لهيب” ضمن سلسلة “حكاية بطل كواليس اللحظات الاخيرة لاستشهاد النقيب محمد زكريا أبو غزالة في كمين كرم القواديس:

”كرم القواديس كان ليه أهمية عند التكفيريين أن هما يستولوا عليه، على المكان ده بالذات؟ لأنه رابط ما بين الخروبة، تجاه العريش، تجاه الزوارعة، والاتجاه أهم قرية عندهم كانت قرية التومة.

يوم الجمعة بعد الصلاة، عسكري من قوة الكمين: "إلحق يا أفندي إحنا الكمين اتضرب"، وشايفين دخان على الكمين. طلعت في دوري بلغت العمليات، ساعة 101 التحرك للكمين يوم 24 أكتوبر 2014.
بعد ما خلصنا الصلاة، دخلت العربية المفخخة المتركنة اللي كانت محملة بالـ TNT. العربية دخلت مدرعة بصفائح وألواح من الحديد من الجوانب، اتضرب عليها نار وتم التعامل معاها ولكن نتيجة عادية لتدريعها العربية دخلت الكمين وانفجرت.
بدأ الشهيد أبو غزالة يجمع العساكر اللي باقيين، بدأ إنه يأخد العساكر اللي باقيين وإنه يقدر يتحرك معاهم في اتجاه كرم القواديس. وهو متحرك ضمن قوة العساكر اللي موجودين كان فيه عساكر مصابة، فمقدرش إنه يكمل بيهم وهو مقدرش إنه يسيبهم ويمشي. دخل في مبنى جنب الكمين بس العناصر التكفيرية كان عددهم كبير وكانوا جايين بموتوسيكلات فكانوا مراقبينه، شايفين الناس اللي متحركة من الكمين بجانب الناس اللي جوه الكمين بتخلص على باقي الشهداء اللي موجودين أو المصابين اللي موجودين مقدروش يتحركوا.
بعد الموجة الانفجارية وقفنا على رجلينا بدأنا ندرك الموقف عامل إزاي. الشهيد أبو غزالة الله يرحمه استخفى وراء الباب علشان يبدأ يدافع، الموتوسيكل جه ونزل واحد اللي راكب وراء السواق معاه بندقية آلية، نزل دخل الأوضة، أبو غزالة باغته وهو وراء الباب، ويعافر معاه علشان ياخد منه السلاح. فالتكفيري اللي على الموتوسيكل بره سمع الصوت فنزل دخل عليهم لقاهم هما الاتنين بيعافروا على البندقية الآلية. في اللحظات الأخيرة اللي هو هيقدر فيها يتمكن من القضاء على العنصر التكفيري، دخل العنصر الثاني وضرب الشهيد الله يرحمه من ظهره".