بعد أزمتها مع زوجها.. رانيا كمال تستعجب من طلب شخص الزواج منها
خرجت الكاتبة الروائية رانيا كمال عن صمتها لتعرب عن تعجبها من طلب أحد الأشخاص الزواج منها، بالرغم من أزمتها الأخيرة مع زوجها، التي مازالت تحاول حلها من خلال القضايا والمحاكم، وأعلنت عن ذلك من خلال منشور عبر حسابها الرسمي على موقع تبادل الصور والفيديوهات إنستجرام.
رانيا كمال تستعجب من طلب شخص الزواج منها
وقالت رانيا كمال معلقة: "حضرتك شايفني داخلة من جلسة ورا جلسة، وبين ورق ومحامين وأسئلة من نوع: "اتأذيتِ إزاي؟"... وسايب كل ده وجاي بكل هدوء تقولّي: نتجوز؟، يا سيدي أنا لسه في جلسات الخلع أصلًا!، حتى من باب الذوق القانوني، استنى أخلص الحرب الأول، ده أنا لسه ما خرجتش من المعركة، تقوم داخلي بخاتم!، اصبر بس كام شهر لحد ما شهور العِدّة تخلص، وبعدين ابقى تعالى شوف إذا كان فيّا نفس أسمع كلمة "زواج"، ولا هقوم أجري."
رانيا كمال تعرب عن استيائها من تدهور حالة نجلها النفسية
وفي سياق آخر، قد أعربت الكاتبة والروائية رانيا كمال عن تأثرها الشديد بسبب سوء نفسية نجلها، وذلك بسبب ما قام والده بفعله من ضرب وإهانة لها أمامه، إلي جانب أنه عندما اختطفه، وعاد نجلها إليها مرة أخرى عاد بشكل مختلف ومتأثر لما تعرض له، وذلك من خلال حسابها الرسمي على موقع تبادل الصور والفيديوهات إنستجرام.
وقالت رانيا كمال في منشورها: “ابني هارون عنده سنتين و10 شهور، طفل صغير ميستحملش اللي شافه ولا اللي مر بيه، من بعد اللي حصل فيا من كدمات في وشي ورقبتي وإيدي، وهو متأثر جدًا، كل شوية يحط إيده على الأماكن دي ويقولي: “محمد واوا”، يعني فاهم إن محمد هو اللي عمل فيا كده، ومن وقت ما اخدوه مني واختفى عني 4 أيام، مع محمد وابنه عمر وبنته نادين، والولد رجع مش هو، نفسيته بقت سيئة جدًا، مش زي الأول خالص، بقى بيصحى من النوم مخضوض، ويفضل يتأكد إني جنبه، الطفل اللي كان بيضحك وبيتكلم ويحب باباه وإخواته، بقى لما بقوله كلم بابا أو أي حد فيهم يقول “نو”، وأوقات يتعصب بشكل مش طبيعي، أنا مش عارفة إيه اللي حصل له في الأربع أيام دول، ولا إزاي اتعاملوا معاه علشان يرجع بالحالة دي!، حسبي الله ونعم الوكيل، اللي حصل ده دمر نفسية طفل بريء ملوش أي ذنب، من أب اناني جاحد سرق حتى الاكل من التلاجة علشان يسيب ابنه بالجوع، لكن الحمد لله له رب كبير احن عليه منك.”
