بعد أزمتها مع زوجها.. رانيا كمال: "دمر نفسية ابني وسرق الأكل وسابوا جعان"
أعربت الكاتبة والروائية رانيا كمال عن تأثرها الشديد بسبب سوء نفسية نجلها، وذلك بسبب ما قام والده بفعله من ضرب وإهانة لها أمامه، إلي جانب أنه عندما اختطفه، وعاد نجلها إليها مرة أخرى عاد بشكل مختلف ومتأثر لما تعرض له، وذلك من خلال حسابها الرسمي على موقع تبادل الصور والفيديوهات إنستجرام.
رانيا كمال تعرب عن استيائها من تدهور حالة نجلها النفسية
وقالت رانيا كمال في منشورها: “ابني هارون عنده سنتين و10 شهور، طفل صغير ميستحملش اللي شافه ولا اللي مر بيه، من بعد اللي حصل فيا من كدمات في وشي ورقبتي وإيدي، وهو متأثر جدًا، كل شوية يحط إيده على الأماكن دي ويقولي: “محمد واوا”، يعني فاهم إن محمد هو اللي عمل فيا كده، ومن وقت ما اخدوه مني واختفى عني 4 أيام، مع محمد وابنه عمر وبنته نادين، والولد رجع مش هو، نفسيته بقت سيئة جدًا، مش زي الأول خالص، بقى بيصحى من النوم مخضوض، ويفضل يتأكد إني جنبه، الطفل اللي كان بيضحك وبيتكلم ويحب باباه وإخواته، بقى لما بقوله كلم بابا أو أي حد فيهم يقول “نو”، وأوقات يتعصب بشكل مش طبيعي، أنا مش عارفة إيه اللي حصل له في الأربع أيام دول، ولا إزاي اتعاملوا معاه علشان يرجع بالحالة دي!، حسبي الله ونعم الوكيل، اللي حصل ده دمر نفسية طفل بريء ملوش أي ذنب، من أب اناني جاحد سرق حتى الاكل من التلاجة علشان يسيب ابنه بالجوع، لكن الحمد لله له رب كبير احن عليه منك.”
اعتداء زوج رانيا كمال عليها
وقد كشفت الكاتبة والروائية رانيا كمال عن تفاصيل أعتداء زوجها عليها خلال الأيام الماضية، وذلك من خلال منشورات متتالية عبر حسابها الرسمي على موقع تبادل الصور والفيديوهات إنستجرام.
وفي المنشور الأول، أوضحت رانيا كمال أن زوجها اعتدى عليها جسديًا وكسر بابا منزلها واختطاف نجلها دون وجه حق، حيث قالت: “بتاريخ يوم الخميس الموافق 9/4/2026، قام كلٌ من زوجي/ محمد مصطفى زكي بدوي (وشهرته حماده بدوي)، وبرفقته نجله/ عمر محمد مصطفى، وابنته/ نادين محمد مصطفى (من طليقته/ سمر منصور)، بالتعدي عليّ داخل مسكن الزوجية، وقد ترتب على ذلك قيامهم باصطحاب نجلي/ هارون دون وجه حق. وعلى الفور تم اتخاذ الإجراءات القانونية اللازمة، حيث تم تحرير إثبات حالة واستخراج تقرير طبي رسمي، وعند عودتي لمسكن الزوجية، فوجئت بتغيير كالون الشقة، مما اضطرني لكسر الباب والدخول لمسكني، حيث تواجد نجل المذكور (عمر) بالداخل، وحاول منعي من التواجد بمسكني.”
