فارس حميدة : بيشتموني علشان بحب مشايخي أصحاب الفضل عليا
كشف المطرب المعتزل فارس حميدة، طريقة تعامله مع الهجوم عليه، مؤكدًا عدم رده للشتيمة، وذلك خلال حسابه على فيسبوك.
وكتب فارس حميدة : "السلام عليكم .. قبل ما ربنا يمن عليا وأكون شخص بيجاهد نفسه يكون صالح، كنت برد الكلمة عشرة واللي بيشتمني شتيمة كنت بتفنن في رد الشتيمة دي، وإزاي أكسر بنفسه بشتيمتي له ".
وتابع فارس : "لحد ما التزمت وكنت فاكر نفسي خلاص أنا وصلت المجتمع المحترم الملتزم، اللي لا بيشتم ولا بيسب وأخلاق النبي صلى الله عليه وسلم، وكان بالنسبالي أي شخص ملتحي دا حد مش زي باقي البشر".
وأضاف : "إلى ان دخلت مجتمع الملتزمين وإذ بيا انا أُشتم وأُسب بيا وبعرضي، لمجرد حبي للمشايخ ، لمجرد حبي لشيخ أنت مابتحبهوش ، لمجرد إني شاب أي حد بيدعوا إلى الله، وبيفيد الشباب وبيصلح في المجتمع ،لمجرد اني ماشي بمبدأ د كلٌ له ما له وعليه ما عليه"
وواصل فارس : "بيشتموني علشان بحب مشايخي أصحاب الفضل عليا بعد ربنا عز وجل، واللي ما شفتش منهم غير كل إحسان وحرص عليا في أمور ديني ودنياي".
وكتب فارس حميدة : "خليكم أنتم في صراعاتكم واقعدوا أنتم على كرسي المحكمة واحكموا مين صح ومين غلط ومين حلو ومين وحش واتركوا لي حب المشايخ وتوقيرهم وصحبتهم لعل منهم مَن يشفع لي يوم القيامة ويأخذ بيدي الى الجنة".,
واختتم : "وجزى الله خيراً كل من شتمني وخاض في عرضي لأنه، جعلني اكتشف في نفسي فارس اللي ما بيردش الشتيمة بعشرة فارس اللي بيسكت ويكظم غيظه ويصبر ويحتسب جزاكم الله خير .
