فارس حميدة يعلن تعرضه للنصب: ابتزني وقهرني علشان رفضت اغضب ربنا |تفاصيل
كشف مطرب المهرجانات فارس حميدة عن تعرضه لضغط نفسي وأذى من قبل شخص نصاب تسبب في وقف حاله.
وكتب فارس حميدة عبر حسابه بموقع فيسبوك: "أنا بقالي قرابة 7 شهور في أذى نفسي وضغط نفسي ووقف حال وحتى الألبوم آخر أنشودتين منزلتهمش وكل شغلي واقف بسبب شخص عاوز يقهرني وعاوز ياخد حق مش حقه شخص نصاب والف من يشهد على ذلك".
وأضاف فارس حميدة:"عمر اسمي ما اتحط في محضر وبسبب الشخص ده اسمي اتحط في محضر شخص شغلته النصب والقهر والابتزاز وكل دا علشان رفضت اغضب ربنا عز وجل وارجع لما كنت عليه .. رفضت ابيع مبدأي علشان نزود فلوس حسبنا الله ونعم الوكيل.. بإذن الله قريباً هظهر اثباتات بالفيديوهات وهجيب شهود على الشخص دا وربنا عز وجل وكيلي وربنا يتولاني قصاد الغول ده..حسبنا الله ونعم الوكيل".
من ناحية أخرى، كان فارس حميدة حرص على نعي مطرب المهرجانات أحمد دقدق، وكتب عبر حسابه بموقع فيسبوك:"إنا لله وإنا إليه راجعون..فجعت بخبر وفاة صديقي وحبيبي أحمد "دقدق" وأحمد من مشاهير المهرجانات وشاب في عز شبابه وابتلاه الله بمرض "الكانسر" وكنا على تواصل دائم وكان حتى من قبل المرض نفسه يسيب الغناء وشخص جميل وقلبه جميل لكن "صحبة السوء" صحبة السوء اللي لم يتركوه حتى وقت مرضه إنه يعود إلى الله ويذكروه بالآخرة وخلوه خلال فترة علاجه يكمل بردو في التسجيل والحفلات كان المرض تنبيه وكان نذير قبل فوات الأوان ربنا يرحمك يا أحمد ويغفرلك، "الموت" لم ولن ينتظر يااااا نجوووم يا ترندااااات يااااااا معشوقين الجماااهير عاوزيين اي تاااني؟!(كالوشا، أحمد عامر، إسماعيل الليثي ، أحمد دقدق".
