أحمد بدير يشيد بياسمين كامل: مخرجة حساسة وناجحة وزي حفيدتي

أشاد الفنان أحمد بدير بالمخرجة ياسمين أحمد كامل، قائلا: «أنا كنت فاكرها زي بنتي طلعت زي حفيدتي، هي حساسة جدا، لكن هي شاطرة جدا وتوجيهاتها جميلة وهي مخرجة شاطرة جدا».

وأضاف، خلال مدالخة هاتفية له في برنامج «ست الستات» المذاع عبر شاشة دي ام سي: «أنا فاكر أول مرة اشتغلت معاها كانت في مسلسل إلا أنا وكان ضيف لكن تعمدت أعمله وهي لفتت نظري بحساسيتها في توجيهاتها».

وتابع: «قالتلي إنها هتشيل جملة من دوري وأعوضها بتعبيرات وشي، وأنا قولت بيني وبين نفسي هو دور صغير هتشيل منه إيه لكن اتفاجئت إن بعد العرض كان الدور ده تريند وكان من أهم أدواري ووثقت فيها جدا بعد الموقف ده».

وفي وقت سابق، كشفت المخرجة ياسمين كامل، عن أول أعمالها في الإخراج، وهو مسلسل حدوتة مرة للنجمة غادة عبدالرازق، مشيرة إلى أنها في بداية الأمر رفضت العمل دون ان تقرأ السيناريو.

وأضافت خلال استصافتها في برنامج «الستات» المذاع عبر شاشة النهار، أن هناك أحد المنتجين وجهها بأهمية قراءة السيناريو قبل أن ترفض أي عمل.

وتابعت: «لما قرأت السيناريو وعرفت إن القصة ست باعت أولادها علشان الفقر، وأول ما غادة عبد الرازق شافتني قالت هي إزار دي هتدور اللوكيشن، لكن لما قعدت معايا كام مرة اقتنعت عادي».

وأردفت: «أنا مفيس فرصة واحدة بتجيلي بسيبها إلا لو في حاجه أقوى، يعني أنا رفضت 3 أعمال كبار جدا في رمضان وزعلت على ده لكن كان لازم أعمل أب ولكن علشام أهدى لأن القضية دي مهمة جدا، وعلى فكرة أول ما اتكلمت مع المنتج تامر مرسي قالي عارفة هيحصلك إيه يا ياسمين لما تقدمي القضية دي، بس أنا كان مهم عندي جدا أقدمها وقولتله أنا مش فارق معايا طالما بقول الحق ومش بهين حد».

 وواصلت: «تعرضت للهجوم جدا على المسلسل ده في الأول من الرجالة وبعد العرض الهجوم بقا من الستات واتقلب لإهانة وكرة والله، لكن كان في فئة من الناس شكرت في المسلسل، وكمان في حد قالي أنت عملتي عمل لله وربنا هيكرمك عنه».

وفي وقت سابق، افتتحت الإعلامية مفيدة شيحة، حلقة اليوم السبت، من برنامج الستات، المذاع عبر قناة النهار وان، بكلمات :"وحشتوني وواحشتوا عيوني واخدنا بريك واجازة ورجعنا تاني ليكم".