متلازمة البطة تثير الجدل: لماذا يتظاهر جيل Gen Z بالهدوء رغم صراعاته الداخلية؟
شهدت حلقة برنامج «فيمينا»، عبر قناة «مودرن إم تي آي»، نقاشا حول التحديات النفسية التي يواجهها جيل الـ Gen Z، مسلطة الضوء على مصطلح نفسي جديد يعرف بـ «متلازمة البطة».
ما هي متلازمة البطة؟
وخلال النقاش، وصفت إحدى المذيعات حال أبناء جيلها قائلة: «أنا شايفة الجيل بتاعنا عنده حاجة اسمها دك سندروم Duck Syndrome.. إنتو بتشوفوا البطة وهي عايمة على الماية شكلها إيه؟ شكلها كيوت قوي من فوق وتتحرك بلذاذة ومحترفة، بس لو نزلنا نشوف من تحت الماية، هتلاقوا رجليها بتتحرك بعنف.. ده مجهود ومعاناة».
وأوضحت أن هذه المتلازمة تلخص فكرة الصراع بين المظهر والجوهر، حيث يسعى أبناء هذا الجيل دائما للظهور بمظهر الشخص الهادئ والمستريح، بينما هم في الحقيقة يبذلون مجهودا مضاعفا للبقاء على قيد النجاح.
التناقض بين الـ الريلاكس والمثالية
وأشار البرنامج إلى أن جيل الـ Gen Z يعيش صراعا داخليا كبيرا: «إحنا عايزين نبان قد إيه إحنا ريلاكس، بس إحنا من جوانا في صراع إن إحنا عايزين نبقى توب في كل حاجة.. عايزين تبقى حياتنا بيرفكت، عايزين نبقى ناجحين في شغلنا، وعايزين يبقى ما عندناش مشاكل نفسية».
وأضافت إحدى المذيعات أن هناك تناقضا غريبا يسيطر على تصرفاتهم: «بنحاول نتعامل ببرود والأتيتود بتاع I don't care وكده، بس في نفس الوقت إحنا عايزين نبقى الأشطر والأحسن في كل حاجة.. أحسن نسخة من نفسنا».
سياسة سيب مشاكلك على الباب
وعن كيفية التعامل مع الضغوط اليومية، كشف البرنامج عن حمية خاصة يتبعها البعض للهروب من الضغط، حيث قالت إحدى المذيعات: «أنا بتبع سيستم كده.. هسيب كل المشاكل اللي عندي وكل الحوارات على الباب، وبعدين أخش، وأنا طالعة بقى أبقى آخد الحاجة دي تاني.. إحنا هنمشي اليوم بيوم والحالة بحالتها».
الانهيار كـ حاجة صحية
وأكد البرنامج أن جيل الـ Gen Z ورغم محاولاته المستمرة للتنظيم، قد يمر بلحظات صعبة: «أوقات كتيرة أوي بيبقى شايلين فوق طاقتنا فبنضطر إن إحنا يحصل لنا انهيار، بالعكس ده أصلا بالنسبة لي حاجة صحية جدا.. الوقت اللي إحنا لازم نطلع، لازم نفرغ».
