بصورة من الطفولة.. مي فاروق تستحضر ذكرياتها: "ليه يا زمان؟"
نشرت الفنانة مي فاروق صورة لها من الطفولة، وذلك من خلال منشور عبر حسابها الرسمي على موقع تبادل الصور والفيديوهات إنستجرام، لتستحضر الذكريات.
وعلقت مي فاروق على الصورة قائلة: “ليه يا زمان ماسبتناش أبرياء”.
رسالة محمد العمروسي لزوجته مي فاروق
في سياق آخر، قد غازل الفنان محمد العمروسي زوجته المطربة مي فاروق، عبر حسابه الشخصي على فيسبوك، حيث شارك صورة تجمعها، ووجه لها رسالة رومانسية.
وكتب محمد العمروسي : "حبيبتي ست البنات شكرًا على وجودك فى حياتي، شكرًا على كل حاجة حلوة، بشوفها منك من يوم ما عرفتك، حياتي نورت بيكي، أجمل هدية من ربنا ليا، ربنا يحفظك ويخليكي لينا وربنا يقدرني وأسعدك العمر كله، بحبك".
انتقادات مي فاروق بسبب زواجها
وقد ظهرت المطربة مي فاروق في لقاء خاص على منصة المشهد مع الإعلامي “محمد القس”، لتتحدث من قلبها عن الانتقادات التي طالتها وقت زواجها من الفنان محمد العمروسي.
حيث قالت مي فاروق في حديثها: “التعليقات كلها وقت زواجي كانت في حتة ما تعيشي تربي ولادك، مش عيب عليكي وعلى طول بنتك اللي واقفة جنبك أن أنتي بتتجوزي تاني، وكمان لابسة فستان فرح ده ايه البجاحة دي، ياسلام هو أنا واخداه من دولابكم، وكل ده شوفته يوم الصباحية زي ما بيقولوا، أنا مصر كلها بتتكلم عليا اللي بيهاجم واللي بيدافع واللي بيرد، وفي دكاترة نفسيين بيحللوا اللي بيتقال، واللي بيحللوا شخصيتي، أنا كنت محتوى غريب في الفترة دي، بقيت قاعدة بتفرج وأضحك، والمنشتات اللي نزلت وكسرتوا فرحتي ليه، أنا محدش يقدر يكسر فرحتي مادام أنا فرحانة ده غير أن أصلا مقولتش كده، أنا ولا اتكلمت ولا قولت حاجة غير أني اتجوزت وعملت فرح”.
“عملت حلال ربنا والجواز إشهار”
واستنكرت مي فاروق ما حدث من انتقادات قائلة: “أنا عملت ايه غلط، مش أنا عملت الصح والحلال واللي يرضي ربنا وولادي وعيلتي ويرضيني أنا والراجل اللي في حياتي، في حاجة عيب في حاجة فجة بتحصل، هو ربنا مقاليش أن من حقي ارتبط تاني، ربنا فرض عليا أني لو ارتبطت تاني ملبسش فستان أبيض، هو مش الزواج إشهار ولا ايه ما أهو إشهار أهو، أنا حرة ده موضوعي أنا ايه اللي يضايقكم، بقينا في مجتمع بيعلق على أي حاجة بتحصل، أنا عمري ما شوفت حد بيتشتم عشان عمل حلال ربنا والصح، كنت مايتة من الضحك يا جماعة أنتوا بجد ولا أنا اللي مجنونة".
