تلاجة بيتنا كانت فاضية وكان عندي طقم واحد.. يارا السكري: حياتنا كانت صعبة

روت الفنانة يارا السكري عن ذكريات طفولتها الصعبة، واللي علمتها القناعة وعدم الجري ورا المظاهر، وقالت إنها كانت نفسها تبقى زي صحابها في العيد، وتلبس أكتر من طقم، لكن والدتها كانت بتجيب لها طقم واحد بس، وتقنعها بكلام بسيط: “إنتي اللي هتحليه مش اللبس”.

الشياكة مش في سعر اللبس

وأضافت خلال لقائها ببرنامج “صاحبة السعادة” الذي تقدمه الاعلامية والفنانة إسعاد يونس، : فاكرة موقف مهم جدا، لما لبست هدوم بسيطة جدا، لكن الناس عجبت بشكلها وقالولها إنها حلوة، وده خلاها تفهم إن الشياكة مش في سعر اللبس، لكن في الشخصية والثقة.

وأوضحت إنها كانت بتحاول تغيّر تسريحة شعرها أو الإكسسوارات عشان تبان كأنها لابسة حاجة جديدة، رغم إن هو نفس الطقم، وده كان نوع من التأقلم مع الظروف.

حياتنا كانت على قدها

وأكدت إن حياتهم كانت “على قدهم”، والمصروف بسيط، ومفيش رفاهية، لكن ده كله علمها تعتمد على نفسها وتقدّر قيمة الحاجة.

التلاجة كانت بتبقى فاضية

تابعت: في أوقات كانت بتعدي عليهم وظروفهم صعبة جدا، لدرجة إن التلاجة كانت بتبقى فاضية، لكن رغم كده كانت بتظهر قدام الناس بثقة، لدرجة إن اللي يشوفها يفتكر إنها عايشة في مستوى أعلى.، ولفتت إلى إنها اتعلمت من طفولتها إن الغنى الحقيقي مش في الفلوس، لكن في الرضا والشعور الداخلي.

كانت قد كشفت الفنانة يارا السكري، لأول مرة، عن مواصفات “فتى أحلامها” خلال لقائها في برنامج “صاحبة السعادة”، وجاءت إجاباتها عفوية ومليانة خفة دم.

بشنب ولا من غير شنب

وقالت يارا خلال لقائها ببرنامج صاحبة السعادة، إن الشكل الخارجي ليسهو الأهم بالنسبة لها، موضحة: “مش فارق معايا بشنب ولا من غير شنب، ولو ساي دقنه المهم تكون مترتبة ومهندمة، مش شكلها عشوائي”.

وأضافت إنها تميل أكتر للراجل اللي بشعر، قائلة: “بصراحة ما بميلش للأصلع، ما حصلتش معايا قبل كده”، مشيرة كمان إنها بتفضل البشرة القمحية أو السمراء: “بحب من الخمري للأسمر أكتر”.

من الوسط الفني ولا لأ

 أكدت إن المجال مش فارق معاها، لكن الأهم يكون شخص ناجح في شغله، قائلة: “مش مهم يشتغل في الفن أو برا الفن، المهم يكون بيشتغل وناجح”.