لأول مرة.. يارا السكري تكشف لـ«صاحبة السعادة» مواصفات فتى أحلامها

كشفت الفنانة يارا السكري، لأول مرة، عن مواصفات “فتى أحلامها” خلال لقائها في برنامج “صاحبة السعادة”.

بشنب ولا من غير شنب

وقالت يارا خلال لقائها ببرنامج صاحبة السعادة، إن الشكل الخارجي ليس هو الأهم بالنسبة لها، موضحة: “مش فارق معايا بشنب ولا من غير شنب، ولو سايب دقنه يبقى تكون مترتبة ومهندمة، مش شكلها عشوائي”.

وأضافت إنها تميل أكتر للراجل اللي بشعر، قائلة: “بصراحة ما بميلش للأصلع، ما حصلتش معايا قبل كده”، مشيرة كمان إنها بتفضل البشرة القمحية أو السمراء: “بحب من الخمري للأسمر أكتر”.

من الوسط الفني ولا لأ

 أكدت إن المجال مش فارق معاها، لكن الأهم يكون شخص ناجح في شغله، قائلة: “مش مهم يشتغل في الفن أو برا الفن، المهم يكون بيشتغل وناجح”.

وشددت على إنها تفضل الرجل الرياضي، وكمان اللي يجمع بين صفات “ابن البلد” والراجل الشيك، موضحة: “بحب الميكس ده… شوية جدعنة وشوية شياكة، لأن أنا كمان كده”.

أما عن الشهرة، فقالت إنها مش شرط تكون شهرة إعلامية، لكن الأهم يكون معروف بسمعته الطيبة: “يبقى شخص ناجح وسمعته كويسة”.

وكشفت إنها تفضل الرجل الطويل، خاصة إنها طويلة، مضيفة بهزار: “أتمنى يكون طويل عشان يبقى مناسب”، أكدت إنها تفضل المصري، قائلة بشكل واضح: “لا طبعا مصري… غير كده ما استحملش”.

مش شرط يكون أول مرة يتجوز

أوضحت إن فكرة إنه يكون سبق له الزواج مش مشكلة بالنسبة لها، قائلة: “عادي جدا، مش شرط يكون أول مرة”.

واختتمت كلامها بخفة دم لما اتسألت عن أول حرف من اسمه، ورفضت تجاوب، مكتفية بالضحك، لتسيب مساحة للغموض حوالين فتى أحلامها.

يارا السكري ضيفة صاحبة السعادة

تتناول الحلقة كواليس مشاركتها في مسلسل علي كلاي، وأبرز التحديات التي واجهتها خلال تجسيد الشخصية، إلى جانب الحديث عن محطات مهمة في مسيرتها الفنية وطموحاتها خلال الفترة المقبلة، في لقاء يحمل الكثير من التفاصيل والكشف عن جوانب جديدة من شخصيتها.

وفي سياق متصل، استطاعت يارا السكري تحقيق نجاحًا كبيرًا في دراما رمضان الماضي 2026، من خلال مسلسل علي كلاي، الذي عُرض عبر شاشة قناة dmc.