فيدرا: "عارفة ديني وبؤمن بشكل قاطع إن ربنا هو المُنقذ الوحيد ليا"
أثارت الفنانة فيدرا الجدل بعد منشورها الاخير الذي تضمن تصريحات عن انتماءها الديني، وأنها لا تؤمن سوى بربنا فقط وهو القادر على إخراجها من كل شئ، وذلك من خلال حسابها الرسمي على موقع التواصل الإجتماعي فيسبوك.
فيدرا: “مش محتاجة حد يعلمني ديني”
وقالت فيدرا في منشورها: “البوست ده بيعبر عني أنا وبس، ومش بقول إن ده الصح المطلق، لكن متأكدة إن إحساسي ده ناس كتير حاسته زَيّي، أنا بحب ربنا، وبؤمن بشكل قاطع إن ربنا هو المُنقذ الوحيد ليا، ما عنديش توقعات من حد غير ربنا، ولما ربنا يبعتلي ناس كويسة، أو يبقى في حياتي ناس أقدر أعتمد عليهم، ببقى عارفة إن ربنا هو اللي بعتهم، ففي الآخر، مصدر كل حاجة في حياتي هو ربنا، وكل ما الإحساس ده بيكبر جوايا، وكل ما بعرف إن ربنا شايف كل حاجة، شايف قلبي، ونيّتي، وتفكيري بحس إني مش محتاجة وسيط، مش محتاجة حد “شكله متدين” يعلّمني ديني، أنا عارفة ديني، بس أتمنى اللي بيتكلموا عن الدين يعرفوا ربنا، لأن كتير منهم بيتكلموا في اللوجستيات والقوانين كأن روح ربنا نفسها مش موجودة، كأن ربنا بالنسبة لهم مجموعة قواعد بس، آه، في قواعد بس لو شايف القواعد ومش شايف ربنا يبقى في مشكلة كبيرة، ومع الوقت، بقيت أول ما أشوف حد داخل يوعظ بعمل سكرول بسرعة، مش عايزة أشوفهم تاني، أنا عايزة قراءتي الخاصة، صلاتي الخاصة، فهمي الخاص، وعايزة أفهم ربنا بطريقتي، وبحمد ربنا إني مش جاهلة، بعرف أقرأ أبحث أربط أشوف مصادر مختلفة وأفهم ديني بعقلي، و علاقتي الروحية بربنا، مافيهاش غير اتنين؛ أنا و هو سبحانه.”
فيدرا واستيائها من قاتلي الحيوانات الضالة
في سياق آخر، قد أعربت الفنانة فيدرا عن استيائها من الرفق بالحيوان، حيث قالت: "قتل الحيوانات الضالة ليس هو الطريقة المثلى لدفع ضررها، بل الأولى في ذلك اللجوء إلى جمعها في أماكن ومحميات مخصصة لها كما فعله المسلمون في تعاملهم مع هذه الحيوانات وغيرها؛ حيث عملوا أوقافًا على الكلاب الضالة: وهي أوقاق في عدة جهات؛ يُنفَق مِن ريعها على إطعام الكلاب التي ليس لها صاحب؛ استنقاذًا لها مِن عذاب الجوع حتى تستريح بالموت أو الاقتناء؛ رحمة بهذه الحيوانات ودفعًا لضررها، وحفاظًا في الوقت ذاته على التوازن البيئي الذي قد يُصاب بنوع من الاختلال عند الإسراف في قتل هذه الكلاب والحيوانات المؤذية، وهذا يدل على مدى الرحمة التي نالت في الحضارة الإسلامية كل شيء حتى الحيوانات."
