حلا شيحة برسالة غامضة: "قيمتك الحقيقية ليست بعدد المتابعين"
أثارت الفنانة حلا شيحة الجدل بعد منشورها الأخيرعلى حسابها الرسمي على موقع تبادل الصور والفيديوهات إنستجرام، التي أعربت من خلاله أن قيمة الإنسان لم تكمن في عدد متابعيه.
حيث قالت حلا شيحة: “قيمتك الحقيقية ليست بعدد المتابعين الذين تصل إليهم، بل افعالك الصادقة ونواياك الخالصة لله”.
“من حق كل طرف أن ينفصل”
في سياق آخر، قد كشفت الفنانة حلا شيحة، عن أن المرأة والرجل من حق كل منهما أن ينفصل لو لم يشعرا بارتياح، مؤكدة أن من حق كل منهما أيضًا أن يختار شريك حياته، وأن هذا لا يقلل من حبهم لأبنائهم.
وكتبت حلا شيحة عبر حسابها بموقع تبادل الصور والفيديوهات إنستجرام: “الست أو الراجل من حقهم يتطلقوا لو فعلا مش مرتاحين، ومن حقهم يدوروا على شريك لحياتهم.. وده مش بيقلل أبدًا من حبهم لأولادهم”.
صدمة حلا شيحة في الناس
على جانب آخر، كانت حلا شيحة، أعربت عن صدمتها في بعض الأشخاص، وكتبت: "تأملاتي ساعات بتخضني أنا شخصيًا بس عاوزة افهم بجد. في ناس في الحياة تحس انهم مفيش ريحة الدم كدة أو مفيش إحساس أصلا، في ناس برودهم مستفز فعلاً عارفين مثل ""يقتلوا القتيل و يمشوا في جنازته .. يعملوا العملة ويكملوا عادي ..الأعلى بقى “ظاهرا كلامهم عن ربنا تقول أهل الله أكيد بس تلاقي افعال حاجة تانية خالص”.
وأضافت: “نوعية كدة فاكرين انهم تمام و هما ولا تمام ولا شايفين طريق التمام، ناس تعرفك لمصلحة معينة في دماغهم وبعدها يتحولوا أو يحولواااا ساعات انت بقي تقابل النوعية دي تبقي مش مصدق هو في كدة فعلاً ..وعادي ولا هما حاسين انهم كدة ولا حد قالهم ..فيقوم ربنا يحب يفوقهم فيبعت لهم رسايل بس بردو عادي شايفين انهم تمام والغلط مش فيهم ولا عندهم ومكملين بس أحلى حاجة انك تبقى خلاص شايفهم علي حقيقتهم ومكشوفين جدا، فتضحك وتشوفهم مرة صدفة من بعيد تلاقيهم عايشين بردو نفس الدور لسه، مكملين والهبل سايقين.. وعجبي علي رأي صلاح جاهين خدوا بالكوا يا جماعة ومهم قوي قبل ما ندخل ناس حياتنا نتأكد انهم يستاهلوا يكونوا في حياتنا”.
