حلا شيحة توجه رسالة غامضة: "يعملوا العمله و يكملوا عادى"
وجهت الفنانة حلا شيحة، رسالة غامضة دون الكشف عن المقصود بها، عبر حسابها الشخصي على موقع تبادل الصور والفيديوهات "إسنتجرام".
ونشرت حلا شيحة، صورة لها، وكتبت عليها، قائلة: "تأملاتي ساعات بتخضني أنا شخصيًا بس عاوزة أفهم بجد".
وأضافت حلا شيحة، قائلة: "في ناس في الحياة تحس أنهم مفيش ريحة الدم كدة أو مفيش إحساس أصلًا، في ناس برودهم مستفز فعلاً".
وتابعت حلا شيحة، قائلة: "عارفين مثل يقتلوا القتيل و يمشوا في جنازته، يعملوا العمله و يكملوا عادى، الأعلي بقي ظاهرًا كلامهم عن ربنا تقول أهل الله أكيد بس تلاقي أفعال حاجة تانية خالص".
وأكملت حلا شيحة، قائلة: "نوعية كدة فاكرين إنهم تمام وهما ولا تمام ولا شايفين طريق التمام، ناس تعرفك لمصلحة معينة في دماغهم وبعدها يتحولوا او يحولوا".
وأردفت حلا شيحة، قائلة: "ساعات أنت بقي تقابل النوعيه دي تبقي مش مصدق هو في كدة فعلاً، وعادي ولا هما حاسين إنهم كدة ولا حد قالهم".
حلا شيحة: أنا بتخيل ولا أية؟
واستكملت حلا شيحة، قائلة: "فيقوم ربنا يحب يفوقهم فيبعت لهم رسايل بس بردو عادي شايفين إنهم تمام والغلط مش فيهم ولا عندهم ومكملين، بس أحلي حاجة إنك تبقي خلاص شايفهم علي حقيقتهم ومكشوفين جدًا، فتضحك و تشوفهم مرة صدفة من بعيد تلاقيهم عايشين بردو نفس الدور لسة، مكملين والهبل سايقين".
واختتمت حلا شيحة، قائلة: "وعجبي علي رأي صلاح جاهين، هو أنا بحس النوعية دي لوحدي ولا أنتوا كمان !؟! ، قولولي بجد يا جماعة وأنا بتخيل ولا أيه".
