مكنش يعرفه .. تامر حسني يوجه الشكر لسفير فرنسا بعد رقصه معه في إحدى حفلاته
شارك الفنان تامر حسني جمهوره مقطع فيديو عبر حسابه الشخصي بموقع التواصل الإجتماعي فيس بوك مع السفير الفرنسي في مصر وذلك من أحد الحفلات المدرسية الذي أحياها نجم الجيل .
و كتب تامر حسني :الراجل الجميل الوسيم ده طلع سلم عليا على المسرح في حفل مدرسة ، روحت حضنتُه و رقصته دبكة شامي و هو تجاوب معايا عادي، و بعد ما مشيت عرفت إنه سفير فرنسا في مصر قولت إيه اللي أنا عملته ده إزاي مرحبتش بيه قدام الناس .
و تابع :علشان كده عايز أشكره على حضوره و صعوده معايا على المسرح، و أقوله قد إيه أنت راجل جميل و فرفوش و نورت الحفلة سعادة السفير الفرنسي العزيز.
وفي سياق أخر نشر الفنان تامر حسني منشورا يعلن فيه تضامنه مع المنتج كريم السبكي فيما يخص موضوع تخفيف وتقليل عدد الحفلات في قاعات السينما ، مؤكدا أن هذا القرار إذا تم تطبيقه سيرضي الجميع .
وكتب تامر حسني عبر صفحته الشخصية على موقع التواصل الاجتماعي فيس بوك : اقتراحي إذا أمكن فا يتطبق على كل الجهات .. كلام البوست اللي كتبه زميلي المنتج كريم السبكي ده من وجهة نظري اقتراح صحيح للسينمات أعتقد وزارتنا المبجلة ممكن تدرسه و أكيد هيعملوا الصح لأن برضو الصح عمره ما هيكون من وجهة نظرنا إحنا بس أكيد في حاجات تانية ممكن منكنش على دراية بيها و هي لمصلحة البلد .
وأضاف : لكن لو الاقتراح ده اتنسق مع أهداف الدولة أتمنى تحقيقه و اقتراحي الشخصي إن القرار ممكن يتطبق على أماكن كتير مش بس السينمات أو أماكن تختار يقفلوا الصبح و أماكن تختار يقفلوا بالليل و كل ده بالتنسيق مع الجهات اللي شايفة شغلها و أكل عيشها أكتر بالنهار ولا بالليل و بكده كله هيتراضى .. و برضو ده من وجهة نظرنا المحدودة … و أي قرار أكبر مننا بتاخده الدولة لازم نحترمه و نتأكد مليون في المية إنه لمصلحتنا حتى لو استحملنا شوية كل الشكر و التقدير و الاحترام لوزاراتنا المصرية العظيمة .
