دافع عن فتاة فتعرض للضرب.. قصة معلم ببني سويف تهز مواقع التواصل

تداول رواد منصة إكس قصة مؤثرة لمعلمة متقاعد يدعى عاطف نشأت حليم، أثارت حالة من الغضب والتعاطف بين المستخدمين، بعد تعرضه للاعتداء في محافظة بني سويف.

وبحسب ما جاء في المنشور المتداول، فإن عاطف نشأت حليم، البالغ من العمر 63 عاما، قضى حياته في العمل بقطاع التربية والتعليم وتربية أجيال من الطلاب، وخلال وجوده مع زوجته في بني سويف، صادف مشهد اعتداء شابين على فتاة بالقرب من أحد الأنفاق، ما دفعه للتدخل دفاعًا عنها.

ووفق الرواية المتداولة، طلب الرجل من الشابين ترك الفتاة مهددا بتصويرهما، الأمر الذي دفعهما لتركها بالفعل، حيث شكرته الفتاة وغادرت المكان. إلا أن الشابين عادا لاحقا واعتديا عليه بالضرب والإهانة، وقاما بتمزيق ملابسه، في واقعة أثارت استياء واسعا بين المتابعين.

وقفة حق

وقال المنشور: «بجد يا ريت كلنا نقف وقفة حق مع الراجل المحترم ده، الأستاذ عاطف نشأت حليم، راجل عنده 63 سنة، قضى عمره كله في التربية والتعليم ومربي أجيال».

أضاف: «القصة وما فيها إنه كان في بني سويف هو ومراته، وهما راجعين شافوا منظر ما يرضيش حد، اتنين عيال نازلين ضرب وإهانة في بنت غلبانة عند النفق. مقدرش يسكت، اعتبرها بنته وقالهم: سيبوها بدل ما أصوّركم فيديو!، وبالفعل خافوا وسابوها، والبنت شكرته ودعت له ومشت».

تابع: «العيال دي مرجعتش لبيتها تتدارى، لا، دول استقووا على راجل قد أبوهم، ورجعوله وضربوه وأهانوه وقطعوا هدومه، ووصلت بيهم البجاحة إنهم يمدوا إيديهم بالأقلام على وش راجل في السن ده، وكل ده عشان يصورهم، طالع بكسرة نفس بيقول: يا تجيبوا لي حقي يا تسفروني بره البلد، أنا اتهنت في السن ده من عيال أصغر من ولادي عشان معملتش غير الصح».

أوضح المنشور: «الراجل مش ندمان إنه حمى البنت، ده بيقول بكل رقي: أنا كنت بهددهم بالفيديو عشان أحميهم من شر نفسهم وميضيعوش مستقبلهم، الحق لازم يرجع، والعيال دي لازم تتجاب عشان يكونوا عبرة لأي حد يفكر يمد إيده على كبير أو يلطش في كرامة إنسان شريف السكوت على الموقف ده إهانة لكل أب مصري محترم».