مجدى عبد الغنى : لن أخوض انتخابات الاهلى إطلاقا..الخطيب بقى كابتن عشان حريف

أعلن مجدى عبد الغنى نجم الاهلى ومنتخب مصر الأسبق أنه لن يخوض انتخابات النادى الاهلى إطلاقاً.
 

وقال مجدى عبد الغنى الذى يحل ضيفاً على برنامج "النجوم في رمضان":"مش هنزل انتخابات الاهلى خالص ، العملية مبقتش انتخابات وانا مش عايز اللعبة دي".
 

وتابع البلدوزر:"هيديكوتى قرر سنة 89 ان الخطيب يبقى كابتن الاهلى ومفيش أقدمية ، وحصل ثورة بسبب القرار دا ، لأننا طول عمرنا ماشين على نظام ، مينفعش لاعب عشان حريف يبقى الكابتن ، احنا لعبة جماعية مش لعبة فردية وفى نظام أقدمية ".

ويضيف مجدى عبد الغنى:"ووقتها لو حسن حمدى موقفش للموضوع دا كان الاهلى وقع ، أي حد ممكن يمسك الاهلى يعمل حاجة لان عندنا كل مقومات النجاح ".

وتُقدم الإعلامية الكبيرة نجلاء حلمي برنامج "النجوم في رمضان" عبر إذاعة الشباب والرياضة، ويترأس فريق تحريره الكاتب الصحفي وليد قاسم ويذاع أيام الجمعة والسبت والأحد والثلاثاء طوال شهر رمضان المبارك.