قبل الانفصال بين الزوجين.. مصطفى حسني يقدم 5 نصائح مهمة

تحدث الداعية الإسلامي مصطفى حسني، عن آداب الانفصال بين الزوجين، قائلا: «ممكن يكون من قدر الله إن يبقى في اتنين محترمين جدا وأسوياء لكن العشرة استحالت بينهم وحصل مواقف خلتهم ميكملوش مع بعض، من هنا لازم يكون في انفصال متحضر». 

آداب الانفصال المتحضر

وأضاف مصطفى حسني، خلال حلقة اليوم من برنامج «الحصن»، المذاع على شاشة قناة «أون»، أن هناك 5 شروط استنبطها العلماء من سنة النبي عليه الصلاة والسلام والقرآن عن الانفصال المتحضر، معلقا: «عشان لو في اتنين انفصوا سواء كانوا أصحاب أو متجوزين أو شركاء في العمل ينفصلوا بسلام وتحضر وميبقوش خصوم أمام رب العالمين يوم القيامة ومياخدوش من حسنات بعض». 

التأكد من استحالة العشرة

وأكد: «الأدب الأول من آداب الانفصال المتحضر يتمثل في التأكد من استحالة العشرة، وميبقاش أي خلاف بسيط يخلينا لا نتحمل مسؤولية الصبر على العلاقة اللي بينا، ويكون في مساحة آمنة للتغيير ويكون في مسؤولية للحفاظ على العلاقة أقصى ما نستطيع».

وواصل: «الأدب الثاني يتمثل في الوضوح، يعني الواحد ميختفيش كده مرة واحدة، يعني شباب وبنات كتير في الخطوبة يختفوا وساعتها الواحد يبقى مصدوم ويشك في اختياراته ازاي تعمل معايا حاجة زي كده، يعني زي ما دخلنا بالمعروف نفترق بالمعروف ولازم يكون في وضوح».

تسوية وتنظيم الحقوق

وأكمل: «الشرط الثالث يتمثل في تسوية وتنظيم الحقوق، يعني لو حد عايز ينفصل عن مراته يديها المهر والمؤخر بتاعها لو حتى كان مبلغ كبير لأن دا حقها، الشرط الرابع يتمثل في الخصوصية وميكونش في فضح، وإن ما كان في البيت يظل في البيت، ولا يُسأل الرجل كما في الحديث فيما طلق زوجته».

واختتم: «الحق الخامس والأخير هو حق التواصي بالخير، يعني لو في اتنين بيفترقوا يتواصوا بالخير، روحي ربنا يسهلك، وربنا يفتح عليك في الرزق». 

في وقت سابق، واصل الداعية الإسلامي، مصطفى حسني، تفسيره لسورة الكهف، ضمن سلسلة حلقات «الحصن» الذي يقدم فيها تفسير لبعض السور القرآنية، مشيرا إلى أن هذه السورة تتضمن قصص تقي من فتن الدنيا، في عالم يمتلئ بالفتن والتحديات، إذ يحتاج الإنسان إلى ما يحمي قلبه ويثبت إيمانه أمام ضغوط الحياة وتقلباتها.