«الملالي كان نفع نفسه».. إبراهيم عيسى يسخر من مزاعم إيران تحمي مصر
تحدث الكاتب والإعلامي الكبير إبراهيم عيسى عن المزاعم التي ترى أن إيران هي من تحمي مصر، وأن سقوط النظام الإيراني يهدد أمن مصر.
وقال إبراهيم عيسى، خلال فيديو نشره على صفحته الرسمية على موقع التواصل الاجتماعي فيسبوك: «قلبي اللي عامل ثلاث دعامات ده لما بيسمع إن سقوط النظام الإيراني هيهدد أمن مصر بحس إن أنا محتاج دعامة رابعة كمان شوية».
وأضاف إبراهيم عيسى: «أنا بحزن جدا إن الكلام ده يطلع من مثقفين أو مواطنين مصريين».
وتابع: «مصر دولة كبيرة، عايز تختلف مع حكومتها؟ اعمل كده بعقل، مش بخسة، في النهاية دي مصر، القوة العسكرية الأولى عربيا، اللي انتصرت على إسرائيل، واللي أقامت معها السلام».
وأكد إبراهيم عيسى: «مصر من سنة 79 عاملة معاهدة سلام مع إسرائيل، والكيان الصهيوني لم ولن يتجرأ على شبر واحد من أرض مصر».
وأضاف إبراهيم عيسى: «مصر مين اللي هتتأذي لو إيران وقعت، إيران هي اللي بتحمينا بروح والدك، الكلام ده مش منطقي أصلا، الملالي كان نفع نفسه».
وتطرق إبراهيم عيسى إلى الهجمات الأخيرة على إيران: «في أول 10 دقايق، 200 طيارة ضربت 500 هدف أو صاروخ، ومخدشوش حتى طائرة واحدة، إسرائيل قتلت الرئيس الإيراني و40 من قياداته، وضربت العلماء في الشوارع، وصورت القتل وبعتت الفيديو لترامب ونتنياهو. يعني بنتكلم عن نظام هش، ضعيف، مخترق بالكامل».
واختتم إبراهيم عيسى حديثه، قائلا : «وتقولي قوة النظام الإيراني، دا عته، إسرائيل مش محتاجة إيران عشان تعمل اللي هي عايزاه في المنطقة، إحنا عايشين في عالم غير عالمهم».
وفي وقت سابق، كشف الكاتب والإعلامي إبراهيم عيسى عن مفاجآت جديدة حول الأحداث الأخيرة المتعلقة بالهجوم الإسرائيلي على إيران، قائلا: «المفاجأة إن الطائرات طلعت من القواعد الأمريكية في تركيا مش في قطر ولا البحرين، يقوم الإيراني الجبان المعادي للعرب والعروبة وضد مصالح الدول العربية واللي عايز ياخد الدول العربية ويختطفها رهائن عشان يتفاوض بيها مع الأمريكان يروح يضرب في الدول العربية ولا يقرب من تركيا بشبر أو بمتر».
إيران تستهدف بلا وعي
وأضاف: «آسيا الوسطى مليانة قواعد أمريكية، ولم يصل إليها برصاصة واحدة لأنه يتعمد يتقصد إنه يضرب في الدول العربية، إيران بتضربنا بالصواريخ واحنا بنستدعي السفير، احنا نطرد السفير، أنا مش فاهم احنا بنتناقش في اي؟ إيران بتستهدف أبراج وعماير ومطارات في الدول العربية، تستهدف الرياض والمنطقة الشرقية في السعودية، طب هي عملتلك اي دي؟، تستهدف دبي وقطر، طب ليه؟ ماذا فعلت الكويت؟».
