لماذا كان إبراهيم شيكا ينادي وفاء عامر بـ «يا ماما»؟ الفنانة تحسم الجدل

كشفت الفنانة وفاء عامر عن كواليس علاقتها بالراحل إبراهيم شيكا، والسر وراء تلقيبه لها بلقب ماما.

علاقة وفاء عامر وإبراهيم شيكا

وقالت وفاء عامر خلال لقائها ببرنامج «ورا الشمس» المذاع على شاشة «الشمس» مع الإعلامية ياسمين الخطيب حول لقب ماما: «في التصوير لما حد كان بيكلمني من 10 سنين كان ساعات يقولي يا حجة، يقول يا ماما.. بالنسبة لي كلمة عادية»، معلقة على استغراب البعض من نداء الراحل إبراهيم شيكا لها بهذا اللقب: «لا طبعا مبيزعلش.. هو يقول يا ماما عادي مش جايز مكنش عنده أم وإحنا لايقين عليه؟».

وعن حياتها الخاصة واستقرارها الأسري، أكدت وفاء عامر: «أنا بالنسبة لي عمر كل حياتي ومحمد كل حياتي، وأنا عايشة في حياة مليش دعوة بحد»، معلقة على شائعات ارتباطها: «أنتي تفتكري إن أنا في السن ده مثلا ممكن أدور على عريس؟».

 أعربت الفنانة وفاء عامر عن دعمها للنماذج النسائية المكافحة في المجتمع المصري، مؤكدة رفضها التقليل من شأن من يبدأ مشروعه من الصفر، داعية إلى تجنب المقارنات غير العادلة أو الحديث بتعالي طبقي.

علاقة وفاء عامر بأم مكة

وعلقت وفاء عامر خلال لقائها ببرنامج «ورا الشمس» المذاع على شاشة «الشمس» مع الإعلامية ياسمين الخطيب: «أنا مش بتكلم من منطلق طبقي نهائي، على رأسنا أم مكة وكل المكافحين اللي زيها على رأسنا»، موضحة وجهة نظرها في الشخصيات التي تكدح لبناء نفسها: «الست دي ست زيها زي أي سيدة مصرية مكافحة.. تحبي بقى حاجتها ما تحبيهاش.. لكن مفيش صداقة بيني وبينها زيها زي أي حد بعرفه بتعاطف معاه لما الأمر بيبتدي من الصفر».

وكشفت وفاء عامر عن كواليس بداية مشروع أم مكة قائلة: «الست دي ابتدت من الصفر مشروع بـ5 آلاف جنيه، لا أدافع عنها ولا حاجة، لكن أنا فعلا لما حتى بيبقى عندي عزومة ست بتيجي بنفسها مع الناس بتاعها يأكلوا الناس بأيديهم».

وضربت وفاء مثلا عن فكرة خدمة الآخرين لترد على النظرة الدونية لبعض المهن، حيث قالت: «لما أنا أجي أقول مع الإعلامي الكبير أحمد سالم، لما أنت تبقي عندي، وقلتلك تعالى كول.. مين اللي كان هيحطلك؟.. أنا اللي كنت مجهزة صح؟ إذا أنا بخدم عليك.. أنا بخدم عليك تفتكري أبقى خدامة عندك؟».