شيماء سيف: حياتي باظت بعد ما بابا سابنا وفقدت الثقة في الناس

قالت الفنانة شيماء سيف، إنها قاطعت والدها 10 سنين، معلقة: «ماما محكتش بابا مشي ليه وصعبت عليا ومكانتش بتبين، وأنا كمان حياتي باظت وفقدت الثقة من كل الناس، أصل لما أبويا سابني ومشي هستنى مين يبقى، عشان كده مش قادرة أثق في حد تاني».

رد فعل انفعالي

وأضافت، خلال حوارها مع الإعلامي نيشان: «أنا في خناقاتي البسيطة حتى دايما بعمل بلوك، ورد فعلي بيريحني».

وأكدت أنها تحب والدتها للغاية خاصة أنها تمزح معها طوال الوقت، معلقة: «مامتي كريمة بتضحكني أوي ومن غير ما تقصد، يعني بتعمل حاجاة تضحكني». 

في سياق متصل، تحدثت الفنانة شيماء سيف عن موقف حدث معها مع إحدى زميلاتها بالوسط الفني، تسبب في كره وضيق من ناحيتها بسبب هذا الموقف.

وقالت شيماء سيف في لقاء لها مع نيشان: "واحدة زميلتنا هي أكيد مش عارفة أنا مابحبهاش ليه.. عاملة نفسها صريحة وجريئة وأنا كنت بحبها جدًا .. وفجأة قفلت منها وهي هتعرف دلوقتي إن أنا بتكلم عنها .. مرة قدام جوزي إنها عارفة واحدة تخينة زيي وماخلفتش غير لما خست .. وقالت لي تعالي أوديكي عند الدكتور اللي خست عنده .. فأديتني طلقة في قلبي .. وماكنتش عايزة أبين إني متضايقة بس أنا كنت جوايا بتقطع".

من جانب آخر، كشفت شيماء سيف أيضًا أنها تتمنى أن ترتدي النقاب وتعتزل التمثيل وتبعد عن السوشيال ميديا، مضيفة: "القرار ده نابع عن إيمان ومن ساعة ماروحت الحج حسيت إن القرار ده متأخر".

شيماء سيف في الموسم الرمضاني 2026

وتشارك الفنانة شيماء سيف في الموسم الرمضاني المقبل من خلال مسلسل الست موناليزا بطولة الفنانة مي عمر، حيث تجدد التعاون معها بعد تعاونهما في مسلسل إش إش العام الماضي.

وحلت الفنانة شيماء سيف، ضيفة على برنامج Neshan X، الذي يقدمه الإعلامي اللبناني نيشان، عبر قناة الجديد اللبنانية.

وخلال اللقاء أباحت شيماء سيف، بالعديد من الأسرار الشخصية، منها مقاطعتها لوالدها لمدة 10 سنوات وطلاقها من زوجها المنتج محمد كارتر ورأيها في تكرار تجربة الزواج مرة أخرى.

قاطعت والدي 10 سنوات

وقالت شيماء عن والدها : "قاطعت والدي 10 سنوات .. ووالدتي عمرها ما طلبت إني أقاطعه .. بدليل إن إخواتي كانوا على طول بيتواصلوا معاه .. وقاطعته بعد أما حصل بيننا موقف وقلتله مش عايزة أتكلم .. وده ماكنش بس دفاعاً عن والدتي .. ولكن في حاجة باظت في حياتي".