«قهر وجريمة».. تعليق هبة الأباصيري على واقعة ضرب مسنة على يد ابنتها

علقت الإعلامية هبة الأباصيري على مقطع الفيديو المتداول عبر مواقع التواصل الاجتماعي خلال الساعات الماضية، والذي ظهرت فيه سيدة تقوم بالاعتداء بالضرب على والدتها المسنة، التي تجاوز عمرها السبعين عاما، في أحد الشوارع.

جريمة في حق لإنسانية

وقالت الأباصيري، خلال حلقة اليوم من برنامج «الستات ما يعرفوش يكدبوا» المذاع عبر شاشة سي بي سي: «قلبي على ولدي انفطر، وقلب ولدي عليا حجر.. مثل قديم لكنه بيتجسد قدام عنينا النهارده في واقعة البنت اللي ضربت أمها المسنة اللي يمكن عدت السبعين سنة لمجرد إن الأم عايزة تقعد قدام البيت والبنت عايزة تدخلها جوه، لكن مهما كان السبب، مفيش أي مبرر يسمح لإنسان يتجرد من كل معاني الرحمة والإنسانية ويمد إيده على أمه».

وأضافت: «اللي حصل ده مش مجرد خلاف أسري، ولا لحظة عصبية، ولا ساعة شيطان وعدت، اللي حصل جريمة في حق الإنسانية، ومش بتحصل حتى في الغابة وسط الحيوانات، وده قهر عظيم لأم ضعيفة ومسنة اتضربت واتهانت من بنتها».

وتابعت الأباصيري: «الأوجع من الضرب والإهانة إن الأم رغم كل اللي حصل، وقفت تدافع عن بنتها وبتطلب من الناس يسامحوها، وده قهر فوق القهر».

بر الوالدين أمر إلهي

وأكدت أن بر الوالدين أمر إلهي في جميع الأديان والشرائع السماوية، قائلة: «ربنا أمرنا في كل الكتب السماوية ببر الوالدين، وده مش اختيار ولا حسب المزاج، ده أمر واجب التنفيذ».

واختتمت حديثها برسالة مؤثرة قائلة: «حقك على راسي يا أمي، ولو البنت دي بس تعرف قد إيه في ناس كتير بيتمنوا لحظة واحدة يرجعوا فيها أمهاتهم للحياة علشان يقعدوا تحت رجليهم، كانت هتعرف قيمة النعمة اللي هي فيها».

وفي سياق متصل، فى أول ظهور لها قالت سميرة محمد خليفة، والبالغة من العمر 90 عاما المجنى عليها فى واقعة تعدى نجلتها عليها بالضرب المبرح فى قرية بهنباى بدائرة مركز الزقازيق بمحافظة الشرقية، أنها تريد خروج ابنتها المتهمة من الحبس، بعد أن تم إلقاء القبض عليها اليوم بتهمة ضرب والدتها.

ووسط حالة من البكاء والصراخ، قالت سميرة “خرجولى فوزية محدش بياخد باله منى غيرها .. اللى صور الضرب ده حد عامل فينا فصل”.

 وقال الأهالي ممن تجمعوا حولها إنها سيدة مسنة وصلت لعمر 90 عاما وتصرفاتها غير مسؤولة واعتادت الصراخ والخروج من المنزل بهذا الشكل دائما، مما أفقد ابنتها المتهمة عقلها وجعلها تتعدى عليها بالضرب.