لايف من الحمام عشان «أسد».. تحديات غريبة للتيك توكر |اعرف التفاصيل

تحدثت الإعلامية ياسمين الخطيب، عن الفترة الأخيرة التي شهدت أحاديث عديدة حول ما يدور على منصة «تيك توك»، قائلة: «كل شوية نلاقي محامي طالع بيقولك بلاغ للنائب العام عشان قيم الأسرة المصرية عشان واحدة بترقص، طب واللي بيشحتوا دول؟.. مخليين شكلنا وحش أوي، أنا بشوف حاجات بائسة، ونبي أسد».   

تحديات غريبة على تيك توك

وأضافت الخطيب، خلال تقديمها برنامج «مساء الياسمين»، المذاع عبر قناة «الشمس»: «بيكون في تحديات غريبة عبارة عن جولة بين اتنين واللي يخسر يحكم على التاني، أنا بدخل أشوف إن الست بتستحمى جوه الناس، بتحط الموبايل على الحمام وتفتح الدش عليها وبعدها تزود التحدي إنها تجيب معجون أسنان وتحط عليه شطة وتفركه على وشك وانتي تحت الدش».

الظهور لايف من الحمام

وتابعت: «أنا شوفت موبايلات كتير طالعة لايف تيك توك من الحمام، وأنا ساعات بتفرج على حاجات على التيك توك بشعر بالحرج للي عاملين دا من كتر ما هي حاجات محرجة»، متمنية أن يصدر مجلس النواب القادم قوانين تجرم هذا العك. 

في سياق آخر، قالت الإعلامية ياسمين الخطيب، إن مصر تيسر عودة طوعية للسودانيين، موضحة أنه يعتبر خبر مبهج لأكثر من سبب، إذ أن جميع المصريين يشعرون بالسعادة من أجل الأشقاء السودانيين، متمنية أن يستعيد السودان استقراره ورخائه.

عودة الأشقاء السودانيين

وأضافت الخطيب، عبر قناة «الشمس»، أن وجود السودانيين في مصر تحديدا كان يحمل العديد من التأثيرات السلبية وفي مقدمتها ارتفاع الإيجارات، معلقة: «نورتوا ونتمنالكم عودة حميدة وكذلك الأشقاء السوريين منورين مصر وعملوا مشاريع وأنا كنت معجبة جدا بتجربتهم وإنهم رفعوا شعار الشغل مش عيب».

تأكيد عظمة مصر

وتابعت: «عندي تعليق مهم جدا على موضوع الأشقاء السوريين والسودانيين والليبيين وهو عظيمة يا مصر أم الدنيا وست العرب جميعا، والكلام دا مش تحيز لمصر لكن شاورلي على دولة عربية قامت بالدور اللي قامت بيه مصر خلال الـ 10 سنوات الماضية في ملف اللاجئين».

مصر دولة محاطة بالحروب 

واختتمت: «مصر دولة محاطة بحروب من حدودها الثلاث، السودان حرب أهلية، فلسطين الله يعينها، وكذلك في ليبيا، وعندها حربها الكبرى مع الإرهاب وتواجه ظروف اقتصادية صعبة جدا، ورغم ذلك تستقبل الأشقاء اللاجئين وتحتضنهم وترسل مساعدات لغزة».