باحث إسلامي يدعو لتدخل المجتمع وتسليم المتحرشين للشرطة

طالب الشيخ ياسر محمود سلمي، الباحث في الشؤون الإسلامية، بضرورة تحمل المجتمع لمسؤوليته الأخلاقية والإنسانية في مواجهة ظاهرة التحرش، من خلال ضبط المتحرش وتسليمه إلى الجهات الأمنية المختصة، دون اللجوء إلى الاعتداء أو العنف.

جاء ذلك في منشور له عبر موقع التواصل الاجتماعي "فيسبوك"، قال فيه:" لو كل الناس عملت كده أي متحرش هيخاف وهيفكر ألف مرة، ولكن للأسف أغلب الناس سلبية، بس اللي هيسكت النهاردة ويقول مليش دعوة، أو هيقول البنت تستاهل علشان لابسه لبس وحش، بكره أمه أو بنته أوأخته أومراته هيتعمل فيها كده لأن المتحرش مبيفرقش بين منتقبة أو مختمرة أو محجبة أو بشعرها، عجوزة أو شابه أو طفلة كلهم بالنسباله واحد، وهيتحرش باللي هتيجي في سكته  وساعتها أمك أو أختك أو زوجتك أو بنتك مش هتلاقي حد يوقف معاها ولا يساعدها تاخد حقها".

واقعة تحرش الأتوبيس

وفي سياق آخر، كشف الشاب صاحب واقعة التحرش في الأتوبيس، خلال ظهوره بمقطع فيديو، أن فتاة تدعى مريم شوقي اتهمته بالتحرش والسرقة، بعدما قامت بتصوير مقطع فيديو لتوثيق ما حدث أثناء استقلالها أتوبيس.
واقعة التحرش

وقال الشاب أسامة، خلال مقطع الفيديو إنه أثناء انتهائه من عمله قام باستقلال الأتوبيس ذاهبًا إلى بيته، وكانت الفتاة تقف بجانبه، بينهما مسافة تقدر بمتر ونصف.

تحرش شاب بفتاة داخل الأتوبيس

وأوضح أسامة، أنه فجأة وجد الفتاة تصرخ قائلة: "حرامي ومتحرش"، ليرد عليها الكمسري: "يا بنتي ده ماعملش حاجة ده واقف بعيد عنك"، ردت عليه: "لا ده سرق مني 200 جنيه".

وقال الشاب، الناس فكراني ببرر التحرش لما قولتلها إيه لبسك ده لكن مش دي الحقيقة، الحقيقة انها كانت بتقول «ديني» فالراجل صاحب السبحة قالها الدين ده بريء منك باللبس اللي إنتي لابساه.

فأنا قولتلها دين إي، إنتي تعرفي إيه عن الدين باللبس اللي إنتي لابساه ده".
وقال أسامة، أنا مببررش التحرش ولا بدافع عن نفسي، ووالله أنا برئ من التهم التي ألصقت لي عبر مواقع التواصل الاجتماعي: موضحًا"حسبي الله ونعم الوكيل، أنا راجل متجوز ومتربي وعندي أم وأخت وبإذن الله ربنا هيظهر الحق قدام كل الناس ولو أنا غلطان اتحاسب".