ياسمين عز بعد غلاء الأسعار: "لازم نوقف التجار عند حدهم»

انتقدت الإعلامية ياسمين عز جشع بعض التجار مع اقتراب شهر رمضان، مطالبة بضرورة وجود رقابة صارمة على الأسواق لحماية المواطن البسيط. 

غلاء الأسعار

وتساءلت ياسمين خلال برنامجها «كلام الناس» على شاشة «MBC مصر»: «أسعار الفراخ اللحمة والخضار والرز وكل حاجة زادت، هل الأسعار دي هدت وهتنزل بسرعة زي الذهب ولا هنفضل في السخافة دي؟».

وأكدت ياسمين عز على ضرورة التحرك ضد الغلاء قائلة: «المواطن في دخول رمضان بنحب نجيب خزين البيت، والراجل لما قبض مش هيعرف يجيب خزين البيت كله.. لازم نوقف التجار عند حدها».

وأشارت إلى أن الفئة الأكبر من الشعب تعتمد على الفراخ كبروتين أساسي، معقبة: «في ناس غير مقتدرة إنها تجيب بط، ولا كل الناس بتعمله أول رمضان، البديل بالنسبة ليهم الفراخ، وأنا بتكلم في الفئة الأكبر في المجتمع».

وأشادت ياسمين بتحرك مجلس النواب في هذا الشأن، قائلة: «النواب اليومين دول شغالين على الموضوع وطلبوا إن يبقى في رقابة على الأسواق في شهر رمضان».

ناقشت الإعلامية ياسمين عز في حلقة اليوم من برنامجها «كلام الناس» على شاشة «MBC مصر» ملف غلاء الأسعار، وتطرقت إلى ارتفاع أسعار الدواجن وعدد من السلع الأساسية.

أسعار الفراخ

وقالت ياسمين عز: «الناس كلها متفاجئة من أسعار الفراخ، والتجار بيعلوا الأسعار والفراخ زادت 30 و50 جنيه في أسبوع.. ده حرام ومينفعش وليه الزيادة دي كلها.. الست يعيني تيجي تقولك كنت جايبة البانية بـ 180 بقى بـ 230 ولسه هيزيد، واللي لسه قابض وعايز يجيب خزين شهر رمضان الكريم وعامل حسابة على 2 كيلو بانيه وبعد الغلاء ده ميعرفش يجيب غير كيلو ولا كيلو إلا ربع..  الناس دي تعمل إيه؟».

وفي سياق آخر، وجهت ياسمين عز مناشدة بضرورة السيطرة على الأسواق قبل دخول الشهر الكريم، قائلة: «الفراخ غليت واللي يهم المواطن إن الفرخة سعرها ينزل قبل رمضان، مناشدة للجميع إن يبقى فيه على اليومين الجايين السوق يتمسك شوية والأسعار لو ارتفعت تبقى بنسبة ضئيلة يعني 5 جنيه مش أكتر».

وعلقت الإعلامية ياسمين عز، على الجدل المثار حول مقترح النائبة أميرة صابر عضو مجلس الشيوخ، بشأن التبرع بالأعضاء والأنسجة، معلنة تأييدها الكامل للفكرة ومنتقدة الهجوم غير المبرر عليها.