بعد حلقته في برنامج ليلة فونطاستيك.. طه دسوقي: "شكرًا للأبلة وجمهور الأبلة"
أعرب الفنان طه دسوقي عن سعادته الكبيرة بحلقته مع أبلة فاهيتا في برنامج ليلة فونطاستيك، التي تم عرضها مساء أمس على قناة mbc مصر، وذلك من خلال نشر صورة تجمعهما من كواليس الحلقة، عبر حسابه الرسمي على موقع تبادل الصور والفيديوهات إنستجرام.
وقال طه دسوقي معلقًا: “الحبايب شكرًا على حضوركم، وشكرا للأبلة وجمهور الأبلة، حلقتي مع أبلة فاهيتا دلوقتي على شاهد”.
موقف طه دسوقي وإياد نصار
في سياق متصل، قد روى الفنان طه دسوقي تفاصيل أول مقابلة جمعته بالفنان إياد نصار، حيث قال طه دسوقي في حديثه: “أنا عندي موهبة أني ساعات بحط اسم اللي قدامي في أي أغنية، عملتها مرة مع إياد نصار ومفهمنيش، كان أول مرة أشوفه في فيلم كنا شغلينه سوا، وأول ما شوفته قولتله (إياد نصار يداوي جرحي في دقيقة) فلاقيته بيقولي نعم، قولتله لا مافيش أنا سعيد أني شوفتك، وعداها يعني هو راجل لذيذ وجميل، وله في الهزار بس التوقيت كان غلط مش من أول مقابلة كده”.
سبب عدم تجسيد طه دسوقي أدوار رومانسية
وقال طه دسوقي في حديثه عن عدم تجسيده للأدوار الرومانسية: “لا خالص مش مراتي السبب، ده هي نفسها أعمل رومانسي، وبتضايق لو مافيش كيميا بيني وبين الممثلة اللي قدامي، ولكن المخرجين حاصرين في الأدوار الكوميدي والدراما معرفش ليه، مع أن يجي مني في الرومانسي”.
وتذكر طه دسوقي موقف جمعه بالمنتج أحمد الجنايني في مسلسل موضوع عائلي، حيث قال: “المنتج أحمد الجنايني قالي بص يا طه أنت الممثلة اللي قدامك رنا رئيس قولتله حلو أوي قالي وهي رنا حلوة شوف بقى هتعمل أيه في القصة دي، وراح طمني بقى قالي هو الجانات بس اللي بيحبوا وأنت مبتحبش، قولتله شكرًا أنك مش شايفني جان”.
الفوبيا الذي يعاني منها طه دسوقي
وكشف طه دسوقي خلال اللقاء عن الفوبيا الذي يعاني منها، حيث قال: “واللهي هي مش فوبيا بالنسبالي، بس بخاف شوية من الأماكن المغلقة الضيقة، يعني أسانسير من غير مراية رعب بالنسبالي، ولو برماية بقعد أهبل لحد ما أوصل”.
وعن هواياته، قال طه دسوقي: “بحب أكتب، كنت بكتب خواطر مقدرش أقول عليها شعر لأنها مبتوصلش للدرجة دي”.
