طه دسوقي: "أول واحدة أعجبت بيها في الجامعة اتشنجت وقالتلي أن عندها القلب"
كشف الفنان طه دسوقي عن علاقاته العاطفية قبل زواجه، وذلك أثناء تصريحاته في لقاؤه مع أبلة فاهيتا في برنامج ليلة فونطاستيك، الذي أُذيع مساء أمس على قناة mbc مصر.
وقال طه دسوقي: “أول حب ليا كان في ابتدائي، ومحبتش تاني غير نادين زوجتي، ولما أعجبت ببنت في الجامعة روحت أعترفتلها فيس تو فيس اتشنجت وعملت فيها تعبانة وعندها القلب وأمراض الدنيا، ورفضت، بس اللي يغيظ أنها لسه عايشة مع أن أعراضها دي مكنتش هتخليها تكمل للتخرج”.
سبب عدم تجسيد طه دسوقي أدوار رومانسية
وقال طه دسوقي في حديثه عن عدم تجسيده للأدوار الرومانسية: “لا خالص مش مراتي السبب، ده هي نفسها أعمل رومانسي، وبتضايق لو مافيش كيميا بيني وبين الممثلة اللي قدامي، ولكن المخرجين حاصرين في الأدوار الكوميدي والدراما معرفش ليه، مع أن يجي مني في الرومانسي”.
وتذكر طه دسوقي موقف جمعه بالمنتج أحمد الجنايني في مسلسل موضوع عائلي، حيث قال: “المنتج أحمد الجنايني قالي بص يا طه أنت الممثلة اللي قدامك رنا رئيس قولتله حلو أوي قالي وهي رنا حلوة شوف بقى هتعمل أيه في القصة دي، وراح طمني بقى قالي هو الجانات بس اللي بيحبوا وأنت مبتحبش، قولتله شكرًا أنك مش شايفني جان”.
الفوبيا الذي يعاني منها طه دسوقي
وكشف طه دسوقي خلال اللقاء عن الفوبيا الذي يعاني منها، حيث قال: “واللهي هي مش فوبيا بالنسبالي، بس بخاف شوية من الأماكن المغلقة الضيقة، يعني أسانسير من غير مراية رعب بالنسبالي، ولو برماية بقعد أهبل لحد ما أوصل”.
وعن هواياته، قال طه دسوقي: “بحب أكتب، كنت بكتب خواطر مقدرش أقول عليها شعر لأنها مبتوصلش للدرجة دي”.
آخر أعمال طه دسوقي
يذكر أن مسلسل ولاد الشمس، هو آخر أعمال الفنان طه دسوقي الدرامية، وهو مكون من 15 حلقة، ويعد المسلسل من بطولة أحمد مالك، طه دسوقي، محمود حميدة، فرح يوسف، دنيا ماهر، معتز هشام، مريم محمود الجندي، جلا هشام، ومينا أبو الدهب، والمسلسل من تأليف مهاب طارق، فكرة أحمد مالك، ومن إخراج شادي عبد السلام.
