أيمن بهجت قمر يدافع عن شيرين عبد الوهاب: سيبوا حياتها الشخصية وركزوا في نجاحها

دعا الشاعر الغنائي والسيناريست أيمن بهجت قمر الجمهور والوسط الفني إلى الكف عن التدخل في الأزمات الشخصية للفنانة شيرين عبد الوهاب، والتركيز فقط على إبداعها الذي لا يتوقف رغم الصعوبات.

أيمن بهجت قمر مع منى الشاذلي

وتساءل أيمن بهجت قمر خلال لقائه في برنامج «معكم منى الشاذلي» المذاع على شاشة «ON»: «إحنا ليه شاغلين بالنا بمشاكلها الشخصية؟.. ما هي الست لما بتنزل أغنية بتنجح»، مؤكدا أن النجاح هو الرد الأمثل والأقوى.

وأشاد قمر بقدرة شيرين على النجاح حتى بدون شركة إنتاج، قائلا: «شيرين النهاردة عملت هي وعزيز الشافعي وتامر حسين وتوما مجموعة أغاني من غير شركة نزلت كسرت الدنيا».

وأكد أيمن على أن استمرارها في النجاح هو ما سيمنحها القوة: «الأمل بيجي بالنجاح.. فهي كل ما بتنجح كل ما بيبقى عندها أمل.. وأنا أعتقد إن هي أكيد عندها أمل».

ومن جانبه، أعربت الإعلامية منى الشاذلي عن تعاطفها وحزنها على الظروف التي تمر بها الفنانة شيرين عبد الوهاب، مؤكدة أن صوت شيرين أصبح يثير شجونها بشكل كبير في الآونة الأخيرة.

وقالت منى الشاذلي في برنامجها «معكم» عبر شاشة «ON»: «أنا بقيت دلوقتي أي أغنية بسمعها لشيرين حتى لو كانت أغنية مريحة يعني تقريبا ببكي.. أنا موجوعة أنها موجوعة بسبب بالظروف الصعبة اللي هي فيها».

ووجهت الشاذلي رسالة لشيرين، قائلة: «إنتي حاجة حلوة أوي ومفيش حاجة في الدنيا ممكن تبقى اسمها اليأس.. وممكن يبقى في ups and downs في الحياة.. بتمنى لها السعادة والاطمئنان والقدرة على تجاوز أي ظروف بتمر بيها.. من قلبي وبدون أي ادعاء».

وفي وقت سابق، علق الإعلامي عمرو أديب على شيرين عبد الوهاب، قائلا:" أنا بوجه كلامي لحد يقدر يعمل حاجة، في الدولة المصرية، شيرين محتاجة حد يتدخل، شيرين محتاج حد يعملها حاجة.

مشكلة شيرين

وتابع، خلال تقديمه برنامج الحكاية، والمذاع عبر قناة إم بي سي مصر:"أغلبنا نعرف تقريبا ايه مشكلة شيرين، ويا نلحقها يا منلحقهاش، وأرجوك متقوليش أنا حاولت قبل كده، أنا بتكلم من واقع اتصالات اليوم، أنا مقدرش اعمل حاجة أنا عايز الحق شيرين، الكلام يضايق، وممكن يضيايق شيرين نفسها، أنا عايز اطلع كداب، وتكون شيرين كويسة".

وأضاف:" في ناس عارفة شيرين فين، أنا بكلمك عن حالة إنسانية، انقذوها يا جماعة، حد ممكن يقولي ممكن ما تبقاش عايزه، هو ده بالعوز؟؟!، أنا بقولك محتاجة حد يتدخل، انتوا في البلد دي متعرفوش تدخلوا!!، أنت فالبلد دي لو عايزين هتعملوا، نحاول يا جماعة، الحقوا شيرين، يكفيك شرف المحاولة.