ياسمين عز توجه نصيحة للسيدات: الصبح ما تلبسيش وبالليل ما تقلعيش

قالت الإعلامية ياسمين عز: «الجو متقلب زي الست بالظبط، نصيحتي ليكي الصبح ما تلبسيش  وبالليل ما تقلعيش.. الجو لسا برد يا شيماء بلاش تتختخي في البيت من دلوقتي لسا شوية».

وأضافت عز، خلال حقلة اليوم من برنامج «كلام الناس» المذاع عبر شاشة إم بي سي مصر:«قبل ما الشتاء يخلص مشوفناش منك أكلة حلوة يا شيماء، جوزك ما شافش منك أكلة حلوة، اعملي لجوزك طبق أدوسية قبل ما الشتاء يخلص اعمليها انتي معملتيهاش من وأنت طفلة عندك عنده ٣ سنين وحطي عليها عسل».
وتابع: «أو اشتريها وسخنيها وقزقزي فيها انتي وجوزك بالليل، علشان جوزك يرضى عنك وربنا يرضى عليكي، لو مبتعرفش تعمليها اعملي رز بلبن أو كباية سحلب كله منك حلو».

وقالت الإعلامية ياسمين عز: «أخيرًا قفلنا موضوع لعبة روبلوكس اللي كان شاغل الأطفال وطول الوقت في كل مكان كانت شغلاهم، مش بس في مصر لا في الوطن العربي كله كمان، حقيقي معرفش ايه سر ارتباطهم بيها للدرجة دي».

ياسمين عز تعلق على حجب روبلوكس وتوجه رسالة للأمهات

وأضافت، خلال حلقة اليوم من برنامج «كلام الناس» المذاع عبر شاشة أم بي سي مصر: « الدولة عملت اللي عليها والقرار صدر رسمي ومجلس النواب حاليا بيحدد قانون علشان ينظم استخدام الموبايل للأطفال وكمان قفل مناصات تانية ضارة للأطفال زي منصات المراهنات، المسؤولين عداهم العيب بصراحة وعملوا اللي عليهم، لكن حاليا الدور على الأم انتي رمانة الميزان في البيت ركزي مع ولادك وأملي وقت فراغهم واقترحي أفكار وأشغلي أوقات الولاد بحاجة مفيدة وحقيقي الأهالي فرحانه بالقرار ده جدا، لكن لازم تشغلي وقتهم».

وتابعت: «الجيل الجديد بيعيطوا علشان اللعبة اتقفلت وخلوا بالكم دول أذكياء جدا وبيدورا على حلول علشان يوصلوا للعبة بطرق غير شرعية، لازم كل أم وأب يتابع أيه نزل على الموبايل كل شوية، اللعبة دي عملت مصايب، وخلت أطفال تنتحر وتعمل حاجات مش كويسة وعليها مرضى نفسيين وناس بيستغوا الأطفال لازم نخلي بالنا».

وفي وقت سابق، وجهت الإعلامية ياسمين عز مجموعة من النصائح للزوجات تزامنا مع موجة البرد التي تشهدها البلاد حاليا، مؤكدة على ضرورة تضحية الزوجة بدفئها في سبيل راحة زوجها، وذلك خلال برنامجها «كلام الناس» المذاع عبر شاشة «MBC مصر».