أسما شريف منير : قررت أشيل أظافر الچل عشان أرضي ربنا
كشفت أسما شريف منير، عن اتخاذها قراراً جديدًا في حياتها، بعد ارتدائها الحجاب خلال الفترة الماضية، حيث أشارت أسما إلى إقلاعها عن وضع أظافر الچل.
أسما شريف منير تكشف عن حديث مع ذاتها
وكتبت أسما شريف منير عبر حسابها الرسمي على إنستجرام : "بدأت أسمع الجملة اللي بتتقال كده بسهولة .. بس بتقعد جوا ده ممكن يمنع الوضوء والصلاة .. في الأول تجاهلت .. بعدين لقيت نفسي بسأل سؤال وجعني .. هو أنا برضي ربنا ولا برضي نفسي؟ .. فضلت فترة في شد وجذب .. نفسي بتقول دي حاجة بسيطة ما تكبريش الموضوع .. وقلبي بيقول بس لو في احتمال يبعدني عنه ليه أكمل؟".
وتابعت : "وفي لحظة هادية .. مش درامية ولا فيها بطولة .. لحظة صدق بس .. حسيت إن القرب من ربنا مش بيبان في الحاجات اللي بعملها قد ما بيبان في الحاجات اللي بحبها .. وبعرف أسيبها عشانه .. وكنت فاكرة معنى بيطبطب عليا كل ما أتردد .. لما بتقربي من ربنا خطوة .. بتلاقيه بيقرب منك أكتر".
قررت أسيب الچل
وواصلت أسما : "فقررت أسيب الچل .. مش لأني بطلت أحبه .. بالعكس سيبته وأنا بحبه .. سيبته كأني بقول يا رب أنت أغلى .. أول مرة من غيره حسيت إني ناقصة حاجة .. بس بعدها على طول حسيت بحاجة أكبر بتتملي سلام .. النوع اللي بييجي لما تختاري ربنا على هواكي .. حتى لو الهوا كان حلو ومغري .. وبقيت كل ما أضعف أفكر نفسي .. اتباع الهوى بيشبع لحظة .. بس طاعة ربنا بتطمن العمر كله".
واختتمت أسما شريف منير : "والأغرب إني لما قاومت رغبة دنيوية .. ما حسيتش إني اتحرمت .. حسيت إني اتحررت".
