أسما شريف منير تكشف معاناتها: صعوبات وضغوط جعلتني أشك في كل شيء

أعربت الفنانة أسما شريف منير عن حالة من التأمل والمراجعة النفسية التي تمر بها خلال الفترة الحالية، وذلك من خلال رسالة مؤثرة شاركتها مع جمهورها عبر حسابها الرسمي على موقع «إنستجرام»، أثارت تفاعلًا واسعًا بين متابعيها.

ونشرت أسما شريف منير مجموعة من الصور وعلقت عليها: «الفترة اللي فاتت كانت صعبة كان فيها کرب رزق واقف، وشكوك بتتسلل لعقلي، الشيطان حاول يقنعني إن التزامي هو سبب المشاكل. حسيت بضغط من كل ناحية، حتى من أقرب الناس ليا خذلوني».

https://www.instagram.com/p/DT--0rbCCKy/?igsh=MWNuMTV3c3E5NGJxaA==

الشك في الإيمان

وأضافت: «بدأت أشك في إيماني، لكن لما رجعت لربنا فهمت إن الابتلاء هو جزء من طريق المؤمن الأنبياء نفسهم اتعرضوا لاختبارات، وده كان دليل على قربهم من ربنا».

وتابعت: «ربنا صفى لي رؤيتي بشكل أنا نفسي مكنتش متخيلة إني محتاجاه،بقيت أشوف الناس على حقيقتها مش على اللي كنت بتمنى يبقوا عليه، ولا على الكلام الحلو اللي بيتقال، ولا على النسخة اللي كنت يبررها في دماغي عشان ما أخسرش حد بدأت أفهم مين بيحبني بصدق ومين كان موجود بس عشان أنا مفيدة، مين بيظهر وقت الجد حتى لو ده هيكلفه ومين بيختفي أول ما الموضوع يحتاج منه مجهود، أو التزام، أو مجرد احترام.

وواصلت حديثها: «عرفت إن اللي بيبان إن الدنيا ماشية معاهم كويس مش دايماً على حق، وبدأت أشوف علامات إن الناس اللي حوالي بيدعولي، وإن ربنا بيطبطب علي».

واختتمت: «أنا دلوقتي فاهمة إننا أحياناً بننسى إن الدنيا مش الهدف الحقيقي، المهم هو الآخرة، هو اختبار صبرنا اللي عايز أقوله  لو بتعدوا بوقت صعب، اعرفوا إن ربنا لسه عايزكم لو الدنيا وردي طول الوقت اقلقوا المهم، رجوعنا لربنا صبرنا، وتسليمنا، الحمد لله دائماً وأبداً،  إذا شفتوا كلامي، ادعولي».