ياسمين عز: «بتلمي الأخضر واليابس من بيت أهلك عشان توفري لجوزك؟»
علقت الإعلامية ياسمين عز على الزوجات اللاتي يأخذن احتياجات منازلهن من خزين ومطبخ بيت الأهل، معتبرة أن هذا السلوك يؤثر سلبا على ميزانية الآباء، خاصة في ظل الضغوط المالية المتعلقة بتكاليف الزواج.
جرد المطبخ وسلاحف النينجا
وقالت ياسمين عز في برنامجها «كلام الناس» المذاع على شاشة «mbc مصر»: «ليه وانتي مروحة من بيت أهلك مع عيالك سلاحف النينجا لازم تلمي المطبخ كله؟ بتاخدي الخضار واللحمة والفراخ وحتى البيض البلدي وزجاجة الزيت، وكأنك بتعملي جرد لبيت أهلك».
توفير للزوج على حساب الأب
وأضافت: «بتاخدي الفرخة اللي باقية لمامتك عشان جوزك اللي لسه متعرفة عليه أول امبارح؟ أبوكي بيجيب اللحمة واللبن وييجي ميلاقيش حاجة ياكلها بسببك، رغم إنه لسه بيسدد ديون جوازك ومش طايق يشوف وشك من كتر المصاريف».
اتمرمغي في خير جوزك
وتابعت ياسمين عز: «بلاش جملة بتمرمغ في خير أبويا، مفيش خير خلاص، روحي اتمرمغي في خير جوزك واصرفي من فلوسه.. مامتك تعبانة ورجلها واجعاها وبتجهز حاجتها وتفرزنها عشان تريح نفسها، تقومي انتي واخدة الجاهز وماشية؟ دي حتى حتة الجبنة ومسحوق الغسيل ما سلموش منك».
إهمال منزلي وشعر مزيت
وأكملت: «بتاخدي المنظفات ليه وانتي عيالك أصلا.. ريحتهم صعبة وبنتك شعرها مزيت؟ عندك تلال غسيل ما اطبقتش، وداخل علينا رمضان وانتي لسه مخلصتيش.. خفي على أهلك شوية وبطلي تلمي الأخضر واليابس».
وفي سياق آخر، علقت الإعلامية ياسمين عز، خلال برنامجها «كلام الناس» المذاع عبر شاشة «إم بي سي مصر»، على واقعة منع سيدة مصرية من حجز غرفة بمفردها في أحد فنادق بورسعيد تحت شعار «السنجل الحريمي غير مسموح»، معتبرة أن هذا التصرف يمثل تمييزا وضد نصوص الدستور والقانون المصري.
واقعة بورسعيد وذاكرة السمكة
وأشارت ياسمين عز إلى الواقعة التي تصدرت السوشيال ميديا، حيث منعت سيدة من الإقامة بمفردها في بورسعيد رغم عدم وجود قانون يمنع ذلك، قائلة: «المشكلة دي حصلت في 2021 وبنرجع نعيشها تاني في 2026، إحنا عندنا ذاكرة السمكة.. وزارة السياحة بتنفي وجود تعليمات بالمنع، والقضاء الإداري أكد مفيش قرار رسمي، ومع ذلك الفنادق بتنفذ المنع على أرض الواقع».
