ياسمين عز تهاجم قرار إلغاء إعفاء الجمارك على الموبايلات: «يجب إعادة النظر»
انتقدت الإعلامية ياسمين عز، قرار الحكومة المصرية بإلغاء إعفاء الجمارك على الهواتف المحمولة، معتبرة أن هذا القرار سيشعل غضب المصريين بشكل عام، خاصة مع توقع ارتفاع أسعار الموبايلات بعد هذا التعديل.
وقالت عز، خلال برنامجها «كلام الناس»، المذاع على قناة إم بي سي مصر: «القرار ده حقه إنه يشعل غضب المصريين، عشان أسعار الموبايلات اللي هتغلى بعد القرار ده، وأيضا المصريين في الخارج هيتضايقوا، لأنهم هيضطروا يدفعوا رسوم على موبايلاتهم الشخصية أو أي موبايل جايبينه هدية لحد من أسرتهم».
القرار ده ممكن يزعلهم
وأضافت ياسمين عز: «إحنا في سنة 2025 المصريين في الخارج حولوا 37 ونص مليار دولار، يعني تريليون و78 مليون جنيه مصري، يعني ده ثروة قومية بالنسبة لنا، والقرار ده ممكن يزعلهم ويخليهم يفكروا يوقفوا تحويلاتهم أو ياخدوا رد فعل تاني»، متابعة قائلة: «لو القرار ده مش مدروس بشكل جيد، لازم نعيد النظر فيه، لأنه بيأثر على المصريين اللي شغالين برا واللي بيبعتوا تحويلات وبيحسنوا الدخل، وإنهم يبقوا مضطرين يدفعوا على موبايلاتهم الشخصية ده مش حل».
كما وجهت ياسمين عز انتقادا للقرار في سياق تأثيره على السياح الذين يزورون مصر، قائلة: «السياح جايين لبلدنا يتبسطوا، وفجأة يلاقوا تليفوناتهم اتتحولت لحتة حديدة عشان ما دفعوش الضريبة، طب ويدفعوا ضريبة ليه أصلا وهم سائحين؟»، مشيرة إلى أن هذا القرار قد يسبب مشاكل كبيرة ويزيد من تعقيد الأمور مع العملاء.
وأشارت الإعلامية إلى ضرورة أن تقوم الجهات المعنية بإعادة النظر في القرار وعدم إصدار مشاكل جديدة قد تتسبب في ردود فعل غير محمودة، قائلة: «لازم نعيد النظر في القرار ده، مش هنصدر مشاكل إحنا في غنى عنها».
وفي سياق أخر، تصدرت الإعلامية ياسمين عز محركات البحث ومنصات التواصل الاجتماعي مجددا، بعد أن وجهت رسالة للفتيات، محذرة من «موسم عودة الإكسات»، تزامنا مع احتفالات العام الجديد.
مفيش حاجة اسمها إكس
بدأت ياسمين عز حديثها من خلال برنامجها «كلام الناس» المذاع على شاشة «mbc مصر» قائلة: «بالنسبة للإكس في السنة الجديدة، مفيش حاجة يا بنات اسمها إكس.. خلاص، الإكس ده ما بترجعلهوش وما بتحنلوش وما تعرفوش أصلا الإكس ده تحسبني عليه بس، وتدعي عليه يجيله ويحط عليه، حتى لو كان كويس والعيب فيكي أنتي، وأنتي اللي ظالمة ومفترية ومطلعة عينه وسايباه قرفة.. برضو تدعي عليه».
