اللي مش عاجبه شكلي ميلزمنيش.. لقاء سويدان تعلق على إصابتها بالعصب السابع|فيديو
خرجت الإعلامية لقاء سويدان في مقطع فيديو عبر حسابها الرسمي على موقع التواصل الاجتماعي "فيس بوك"، لترد على التساؤلات والانتقادات التي طالتها بعد إصابتها بمرض العصب السابع.
وبدلًا من الاختباء خلف الفلاتر أو الابتعاد عن الأضواء، اختارت لقاء المواجهة، مؤكدة أنها راضية تمامًا بما كتبه الله لها في شكلها، قائلة: "أنا مريضة وراضية جدًا.. المهم الإعاقة متبقاش في عقلك ولا أخلاقك".
وجهت سويدان رسالة حادة لكل من يعاملها بناءً على مظهرها الخارجي فقط، واصفة إياهم بـ"يا حرام مش فاهمين"، ومؤكدة أنها ليست عروسة حلاوة بلاستيك لتختفي بمجرد أن يتبدل شكلها بسبب المرض.
لقاء سويدان تتحدى العصب السابع: هنزل شغلي وراضية بمرضي ودي حسنات جاتلي لحد عندي
كما شنت هجومًا على أصدقاء المصلحة الذين يختفون وقت الشدة، معلنة بوضوح: "اللي مش حابب يشوفني وأنا شكلي كده ميلزمنيش في حياتي".
وردًا على اتهامات البحث عن التريند، استعادت لقاء تاريخها الفني الذي بدأ وهي طفلة في التاسعة من عمرها أمام عمالقة مثل سعاد حسني ونجوى إبراهيم، مؤكدة أنها شبعانة شهرة حقيقية ولا تحتاج لتريند مؤقت يزول بعد 24 ساعة.
أعلنت لقاء استمرارها في تقديم برنامجها والذهاب لعملها ورحلات علاجها الطبيعي دون خجل، معتبرة أن ما تمر به هو اختبار إلهي كسبت فيه نفسها والناس الحقيقيين، واصفة كلمات التنمر بأنها "حسنات بتيجي بدون تعب".
وقال لقاء سويدان في الفيديو: "أنا طالعة أقول لأي حد عنده مشكلة في شكله أو إعاقة في جسمه مش ده المهم المهم إن الإعاقة متبقاش في عقلك ولا أخلاقك ولا أخلاقك ولا روحك.. واللي مكنش معاك في وقت شدتك ميستاهلش يبقى معاك في وقت فرحك واللي مش قابلني أو مش حابب يشوفني وأنا شكلي كده مش حابة إني أشوفه وأنا كويسة لأنه بيعاملني على إني عروسة حلاوة شكلي حلو بلاستيك بس ولو عييت يبقى مش حابب يشوفني بهذا الشكل ميلزمنيش في حياتي".
وأضافت: "أنا مش محتاجة إني أعمل تريند الحمد لله ربنا جعلني شبعانة شهرة وشهرة حقيقة مش شهرة تريند تقعد 24 ساعة أنا اشتغلت مع نجوم كبار وأنا طفلة صغيلاة 9 سنين من أول سعاد حسني وأحمد حسن ونجوى إبراهيم وصفاء أبو السعود.. شبعانة حب ناس وشبعانة ظهور في التلفزيون".
واستطردت: "بشكر ربنا أولا وأخيرا على المحنة اللي الحمد لله بقت منحة لما أنا رضيت وأنا راضية وبنزل دلوقت بروح كل حتة مش مكسوفة ولا متضايقة ومش فارق معايا الشكل اللي أنا فيه دلوقتي ولو فضلت كده برده راضية جدت هنزل شغلي ومش هيهمني كلام الناس وبقول لأي حد كمل شغلك وحياتك وميشغلش بالك كلام الناس ولا التنمر لأن المتنمر ده يصعب عليك محدش يضمن في لحظة بكره هيحصله إيه أو لحد قريب جدا ليه إيه.. محدش يأمن الدنيا هو يا حرام مش فاهم كويس وشكرا لحسنات بتيجي بدون تعب تعتبر هدية .. الكلام ده بقوله لأي حد لو أنت مختلف او ربنا ميدلكميزة مختلفة عن الىخرين متستخباش وشوف ربنا مديلك الميزة دي ليه وافهم واطلع من الاختبار ده وانت كسبان ربنا وكسبان نفسك والناس الحقيقية اللي يستاهلوا يبقوا في حياتك".
