لفه في جوال ورماه في البحر.. تفاصيل التخلص من جثة ضحية المنيا| خاص
كشفت تحقيقات النيابة العامة في القضية رقم 17045 لسنة 2025 جنايات سمالوط غرب، والمقيدة برقم 2514 لسنة 2025 كلي شمال المنيا، والمتهم فيها "جمال.م"، بقتل نجله بسبب تعاطيه المخدرات وتشاجرة الدائم مع الأهالي والجيران، حيث انتهز فرصة تعمق نجله في النوم، وتعدى عليه بقطعة حديدية على رأسه، ما أودى بحياته.
اعترافات المتهم بمساعدة والده في التخلص من جثة شقيقه بالمنيا
وحصل موقع «نيوز رووم» على نص التحقيقات من أقوال المتهم «هشام.ج » شقيق المجني عليه والتي جاءت كالتالي:
س: وما التصرف الذي بدر منك ووالدك المتهم الاول أنذاك؟
ج: ابويا دخل جاب جوال بلاستيك ولف بيه مصطفى اخويا وشاله لوحده وحطه في الصندوق بتاع التروسكل وقالى تعالى سوق التروسكل عشان ابويا مش بيعرف يسوق فقمت دورت التروسكل وابويا ركب جنبي.
س: وما الذي حملكما على اخفاء جثمان شقيقك المجني عليه بذلك المكان أنف البيان؟
ج: احنا مكناش عارفين نتصرف ازاي بعد ما أبويا ضرب مصطفى أخويا على دماغه موته.
س: واین توجهتم عقب اتمامكم لتلك الفعلة؟
ج: رجعنا تاني علي بيت ابويا نزلته وابويا قالي روح أنت رجع التروسكل مكانه وارجع بيتك شاله من التروسكل ورماه في البحر اليوسفي.
س: وما هي ظروف ضبطك وعرضك علينا؟
ج: رجعت البيت نمت و تاني يوم صحيت فضلت قاعد في البيت بتاعي لحد ما الحكومة جتلي البيت حوالي الساعة بالليل واخدوني من قدام بيتي على بيت أبويا وكانت الحكومة كلها هناك واخدونى أنا وأبويا على المركز سألوني عن اللي حصل وحكتلهم على اللي انا اعرفه وفضلت هناك لحد ما جابوني على هنا.
س: متى وأين حدث ذلك؟
ج: الحكومة جات أخدتني من قدام البيت يوم الجمعه ۲٠٢٥/٨/١ حوالي الساعة 8 مساءا ناحية قرية منشية بديني مرکز سمالوط غرب.
س: هل تقف على أي من القائمين بضبطك؟
ج: لا هما كانوا اتنين أمناء شرطة ومعرفش حد فيهم.
س: وهل دار أي حوار فيما بينك وبين سالفي الذكر ؟
ج: أيوه هما قالولي اركب معانا
س وهل وقع على شخصك أو انصرف الى مسكنك أي تفتيش؟
س: وما الذي حدث عقب ضبطك وتفتيشك؟
ج: أخدوني على بيت ابويا وبعدين اخدونی انا وابويا على المركز
س وما هي وسيلة اصطحابك آنذاك؟
ج: اخدونى من قدام بيتى لبيت ابويا بالمتوسكل ومن بيت ابويا للمركز خدوني في عربية ميكروباص.
س: وما الذي حدث معك حال تواجدك بديوان مركز الشرطة؟
ج: سألوني عن اللي حصل وحكتلهم على اللي انا اعرفه.
