مصطفى بكري: ما يواجهه الرئيس السيسي اليوم لم يواجهه أحد من قبل

قال النائب مصطفى بكري، عضو مجلس النواب، إن ما يواجهه الرئيس السيسي اليوم، لم يواجهه أحد من ذي قبل، بص على المخاطر اللي بتحيط بيك، بلد اتبنت رغم الصعوبات، بفضل الرئيس، وأهم حاجة إن فيه بلد، كل واحد يبص لنفسه في المرايا، لازم ندعم الراجل اللي دمه بيتحرق ليل نهار".

 بكري: أنا مع تغيير رئيس الوزراء

ووجه أديب، سؤالا لبكري: عايز تغير رئيس الوزراء، ليجيب بكري: أنا مع تغيير رئيس الوزراء، والراجل اشتغل كتير، لما يكون من 2018 لحد دلوقتي، يبقى حان التغيير، إحنا مش بنشكك في دوره، التغيير دي سنة الحياة، في تحفظات على أشياء كثيرة، 8 سنين كفاية يا خي، نجيب خبرة تانية، نحطه في حتة تانية ونستفيد من خبراته.

وتابع بكري:"الوطن ده لو ضاع مننا يبقى فلنذهب إلى الجحيم، والمعارضة ضرورية"، وبسؤاله عن احتمالية وجود حكومة الخميس المقبل، ليجيب بكري:" ده قرار الرئيس السيسي، واتمنى إن يكون فيه حكومة جديدة".

وقال أديب: أنا لو قولتلك مجلس النواب مهم جدا، قد ايه، هتقول عليا كلام مذيعين ومبالغة، بس افتكروا كلامي ده، المجلس ده مهم جدا، لأنه قدامه حاجات مهمة جدا، وفي حقيقة الأمر، يجب أن أثني على التعيينات، واضح العناية في الاختيار، اسم اسم، تم الاختيار بعناية ورقي، أسماء كلها، لها فائدة.

الغرض من التعيين

وأضاف،:"الغرض من التعيين، تمييز بعض الكفاءة، ودعم بعض الاتجاهات داخل المجلس، والناس اللي جواه ناس أفاضل، سواء الأطباء أو القانونيين أو الفقهاء".

وتابع:"عندنا أمل، إن المجلس يشجع مصر على المشاركة السياسية، المجلس موجود، لمناقشة القوانين، مصر هي الاستمرار والاستقرار، إحنا ولا عندنا أزمة سياسية، ولا الإخوان على الباب، أنت مستقر سياسيا، ومستقر شبه اقتصاديا.

وأضاف:"مصر قوية، علشان كده بقولك اعمل دورك في المحاسبة اريد ان ارى محاسبة الحكومة، البلد اللي ما نشوفش فيها البرلمان دي، قولي حكمة واحدة لعدم إذاعة جلسات البرلمان زي أي بلد في العالم، كل واحد عايز يشوف النائب بتاعه وهو بيتكلم.

وفي وقت سابق، قال الإعلامي أحمد موسى إن مجلس النواب بتشكيله الجديد سيبدأ مباشرة مهامه اعتبارا من الغد، مؤكدا أن المجلس يضم نخبة من الكفاءات والقدرات العالية، إلى جانب شخصيات عامة قوية قادرة على تحمل المسؤولية الوطنية.