عمرو أديب يبارك للكابتن حسام حسن: «المنتخب قد أنجز والمشوار لسه مستمر»

علق الإعلامي عمرو أديب على فوز منتخب مصر على كوت ديفوار، قائلا:" أنا بهنئ الكابتن حسام حسن، هذا المنتخب قد انجز، ما تبقاش طموحولس، وأمل لسه موجودة ولسه شارب معاها قهوة امبارح، ولسه مماتش، وقلبي لم يكن يقطر دما اليوم، بل كان يحدثني، قولتلكم قلبي يحدثني، إن شاء الله هنخلص.. ابقى قولي يا عمرهم، يا عمروفيتش!!

هدف محمد صلاح في منتخب كوت ديفوار

وتابع، خلال تقديمه برنامج الحكاية، والمذاع عبر قناة إم بي سي مصر:"يا سلام، يا عمي اسجد واركع، اتصل عليا على 012، عملوا دور غير طبيعي، عملوا ماتش فيه حب، فيه تضحية، والمادة الرابعة بتقول ان تشاهد المباراة، وأنا مواطن مصري وبشاهد المباراة".

وعلق أديب، على هدف محمد صلاح في منتخب كوت ديفوار، مضيفا:"استنى أنا قولتلك ايه، قوليلي أنت قولت، قولت أنا مستني الهمسة واللمسة مو صلاح  ابن مصر، اللي ضد الكسر ، قلبي يحدثنا خيرا، ولا يقطر دما، أنا عندي ثقة عمياء في أبناء مصر.

وأضاف،:"إن هناك أداء عظيم بطولي للمنتخب المصري أمام منتخب كوت ديفوار، دخلنا جون في نفسنا مفيش مشكلة، وقلبي يحدثني خير، إمام عاشور اداء عالمي.

أنا مستنى لمسة وهمسة محمد صلاح

واستطرد:" أنا مستنى لمسة وهمسة محمد صلاح، عندي إحساس إننا نخلص، ونقدر نعمل حاجة، اللاعيبة بتأكل نجيلة، بتعمل اللي تقدر عليه، عندي إحساس ان إمام هيعمل حاجة، محمد صلاح هيعمل حاجة، قول بس إننا هنقدر، إن شاء الله نشوف فرحة".

وتابع:" الفرقة كلها بتلعب لعب عظيم، وقلبي يحدثني خيرا، أنا من إمبارح، مستنيك يا مو صلاح.. إن شاء الله خير، واعذروني لو فيه حركات انفعالية أثناء تقديم البرنامج، أثناء متابعة المباراة، إن شاء الله مايكونش فيه انكسارات.

وسجل الملك محمد صلاح، نجم ليفربول الإنجليزي الهدف الثالث لـ منتخب مصر في مرمى كوت ديفوار، بالمباراة التي تجمع المنتخبين مساء اليوم السبت، على ملعب أدرار في مدينة أغادير، ضمن الدور ربع النهائي من بطولة كأس الأمم الأفريقية بالمغرب 2025.