ياسمين الجيلاني تكشف موقفا إنسانيا لميرفت أمين: «سيبوها تقول اللي عايزاه»

قالت الفنانة ياسمين الجيلاني إن الفنانة ميرفت أمين كانت من أكثر النجمات الداعمات لها في بداياتها، مشيرة إلى موقف إنساني جمعهما أثناء المشاركة في أحد الأعمال الدرامية.

دعم ميرفت أمين

وأوضحت الجيلاني، خلال حديثها في برنامج «كلام الناس» المذاع على قناة «إم بي سي مصر»، وتقدمه الإعلامية ياسمين عز، أنها كانت تقف بجوار ميرفت أمين في أحد المشاهد وارتجلت جملة أثناء التصوير، ما أدى إلى إيقاف المشهد، لتتدخل ميرفت أمين قائلة: «ليه عملتوا استوب؟ سيبوا البنت تقول، قولي اللي إنتِ عايزة تقوليه».

وأضافت أن هذا النوع من الدعم لم يعد موجودا حاليا، مشيرة إلى أن هناك صراع غريب داخل الوسط الفني، رغم أن لكل فنان مكانته، مؤكدة أنه لا أحد يأخذ مكان أحد والساحة تتسع للجميع.

وفي سياق آخر، تصدرت الإعلامية ياسمين عز محركات البحث ومنصات التواصل الاجتماعي مجددا، بعد أن وجهت رسالة للفتيات، محذرة من «موسم عودة الإكسات»، تزامنا مع احتفالات العام الجديد.

مفيش حاجة اسمها إكس

بدأت ياسمين عز حديثها من خلال برنامجها «كلام الناس» المذاع على شاشة «mbc مصر» قائلة: «بالنسبة للإكس في السنة الجديدة، مفيش حاجة يا بنات اسمها إكس.. خلاص، الإكس ده ما بترجعلهوش وما بتحنلوش وما تعرفوش أصلا الإكس ده تحسبني عليه بس، وتدعي عليه يجيله ويحط عليه، حتى لو كان كويس والعيب فيكي أنتي، وأنتي اللي ظالمة ومفترية ومطلعة عينه وسايباه قرفة.. برضو تدعي عليه».

تحذير من رسائل الإكس

وحذرت ياسمين الفتيات من الانخداع بالرسائل التي قد تصلهن في هذه الفترة، قائلة: «خلي بالك، اليومين دول موسم عودة الإكسات، هتلاقي رسالة فجأة مكتوب فيها كل سنة وأنتي طيبة، أو سنة سعيدة، أو الجملة الشهيرة وحشتيني».

مشاعر احتفالات رأس السنة

واستطردت ياسمين عز موضحة حقيقة هذه المشاعر: «هتلاقيه بقى حنين أوي اليومين دول، بس ده مش معناه إنه بيحبك وهييجي يزوركم ويخطبك بـ 2 كيلو دهب يا زليخة.. فوقي»، مستطردة: «دي مشاعر مؤقتة عشان أجواء السنة الجديدة وهتخلص أول ما الاحتفالات تخلص، فما تتخدعيش».

الرد المثالي

وتابعت ياسمين عز: «ما ترديش يا حبيبتي، كملي في بيجامتك الدافية عادي جدا كأن مفيش حاجة حصلت، واشربي مشروبك الدافي وانبسطي.. وكل سنة وأنتي طيبة».