«مفيش حاجة اسمها راجل خاين».. ياسمين عز تلغي الخيانة من قاموس 2026
عادت الإعلامية ياسمين عز لتصدر التريند بقائمة نصائح للزوجات، أطلقت عليها قائمة الممنوعات.
ياسمين عز: الراجل مش خاين
وأعلنت ياسمين، خلال برنامجها "كلام الناس" المذاع على قناة mbc مصر، إلغاء كلمة "الخيانة" من القاموس الزوجي لهذا العام، مواصلة: “مفيش حاجة اسمها راجل خاين.. الراجل اللي يعرف ستات كتير ده بيبقى اسمه متعدد علاقات مش خاين.. زيه زي موظف الـ HR اللي بيدير علاقات العمل”.
ووجهت ياسمين نصيحة للزوجات قائلة: “بطلي دور المخبر والمحقق ده، وممنوع أسئلة من نوعية إنت فين؟ وجاي إمتى؟.. عشان الفرعون ميزهقش”.
وتابعت: “غيروا طريقتكم في الرد، يعني لو سألك مالك؟ بلاش تردي بكلمة ماليش النكدية، وقوليله وإنت مالك من باب الهزار والمفاجأة عشان تكسري الملل”.
ياسمين عز: البيجامة الفار
وفي سياق متصل، هاجمت ياسمين عز "البيجامة الفار" والطبقات الكثيرة التي ترتديها النساء في الشتاء، قائلة: "جوزك مش متجوز الدب القطبي عشان يشوف المنظر ده.. فين الروب الستان والشبشب أبو ريش؟".
وأضافت ياسمين عبر برنامجها "كلام الناس" على قناة "إم بي سي مصر": "لو بردانة وماعندكيش دفاية، طلعي صورك أيام الخطوبة.. الدم هيجري في عروقك وهتتدفي".
ياسمين عز: حافظي على فرعونك
وتابعت: "قومي اعملي كريب بصوص البرتقال، أو كريب نوتيلا بالموز، ولو ماعندكيش نوتيلا خدي لحسة من جوزك".
اشتري ديك رومي وحطيه لجوزك ياكله وانتي اقعدي انتي وسلاحف النينجا تصقفوله وقوليله الله يا جوزي شكلك حلو وأنت بتاكل، حسسيه انه محور الكون في السنة الجديدة".
وفي انطلاقة العام الجديد، وجهت الإعلامية ياسمين عز رسالة للزوجات عبر برنامجها "كلام الناس" على قناة "إم بي سي مصر"، مطالبة إياهن بضرورة الحفاظ على الرشاقة قائلة: "خففي أكل شوية.. كفاية أكل وشك بقى شبه الخبز المشلتت".
نصيحة ياسمين للزوجة بالعودة لجمال أيام الخطوبة
ياسمين نصحت الزوجة بالعودة لجمال أيام الخطوبة، حيث وصفت ذلك بـ "لوك الإغماء"، قائلة: "عايزاكي ترجعي زي زمان وشك قد اللقمة ويغمى عليكي في الأسبوع مرتين".
وحذرت من الجلوس بـ "الإسدال" أو الجلابية في البيت، معتبرة أن الرجل لا يجب أن يعود للمنزل ليجد زوجته وكأنها “قاعدة بجمعية”.
