ياسمين عز تنصح بلوك نادية الجندي: «بلاش تطلعي لجوزك في صورة زليخة»

قدمت ياسمين عز نصائحها الجمالية للفرعون الصغير، داعية الزوجات لاستخدام بودرة "السوسان" و"الوصال" لتعطير الجسم، ومشددة على أهمية الكحل اللطيف: "استخدمي آيلانر محمود سعيد وما تتقليش الخط عشان ما تطلعيش زليخة".

نصائح ياسمين عز الجمالية للفرعون الصغير

وخلال برنامجها “كلام الناس” المذاع على قناة mbc مصر، فاجأت ياسمين الجمهور باقتراح "اللوك" المفضل لعام 2026، حيث طلبت من الزوجات استبدال لوك "نبيلة عبيد" بلوك "نادية الجندي" في فيلم "الضائعة"، مضيفة: "اصبغي شعرك اللون الخرنوبي.. اللون ده هيديكي نفس لوك نادية الجندي وهيجنن الفرعون".

وفي سياق سابق، أثارت الإعلامية ياسمين عز جدلًا جديدًا بتصريحاتها حول أسلوب تعامل السيدات مع الزملاء داخل بيئة العمل، مؤكدة أن هناك حدودًا يجب الالتزام بها “احترامًا للبيت والزواج والخصوصية”. 
 

 ما تسأليش المتجوز  

وقالت عز خلال حلقتها من برنامج "كلام الناس" المذاع عبر قناة MBC مصر: "في الشغل مفيش حاجة اسمها: أستاذ محمد انت فطرت؟ وانتي مالك؟ هو متجوز وملكيش دعوة بيه  عيب يا بنت! لا يجوز تفطريه ولا تسألي عنه".

وأضافت أن السؤال عن تفاصيل شخصية، خاصة لرجل متزوج، يعتبر تجاوزا غير مقبول في بيئة العمل.

 لو ناوية تتجوزي زميلك العازب 

وتابعت عز: "لكن لو عاوزة تتجوزي زميلك اللي مش متجوز… هنا ممكن تقولي: أستاذ محمد انت فطرت؟ ولا تفطر معانا؟ مع حركة كتف خفيفة".

وأكملت: "هيقولك مفطرتش، هفطر معاكم… حتى لو كان فاطر طبقين فول قبلها، هيفطر معاكي".

ادفعي واعملي حسابك

وأكدت عز أنه في حال رغبة المرأة في لفت انتباه زميل غير مرتبط، فعليها تحمل تكلفة الفطار دون انتظار مساهمة منه، قائلة: "اروحي اجيبي الفطار بفلوسك  جيبي جبنة رومي، وادفعي 400 جنيه  مش انتي عايزة تتجوزي؟ ادفعي".

وأضافت: "لما يجي يقولك حسابك كام؟ قولي: 17 جنيه  هيقولك: كل ده بـ17 جنيه؟.. هنا هيعرف إنك ست بيت".

آخر الشيفت هتبقي متجوزاه

وأكملت مازحة:"بعدها آخر الشيفت؟ هتلاقي نفسك متجوزاه خلاص".

واختتمت رسالتها بالتحذير قائلة: "لكن موظف متجوز؟ متقربيش منه. مراته أولى بيه… واحترمي بيت غيرك".