ريهام سعيد تثير الجدل بتعليقها على فساتين سالي عبد السلام|فيديو
قالت الإعلامية ريهام سعيد خلال تقديم حلقة خاصة مع الإعلامية سالي عبد السلام: «إنتي بتلبسي فساتين سواريه تحفه، بس إنتي ممكن تتنفخي شوية وممكن متعرفيش تظهري على الشاشة لو خلفتي».
لا شيء أمام إرادة الله
وردت سالي عبد السلام خلال تصريحات تلفزيونية عبر قناة «النهار»: «عادي أنا مش فارقلي، أنا عايزة أعمل برنامج عن الأمومة جدا، وأنا مش بحب كلمة على كبر، أنا بقول نتجوز صغيرين عشان الخلفة بس لو أنا كبيرة ربنا لو أراد خلاص، لأن الدكاترة قالولي الرحم مشتعلش قبل كده وفي يقولي متمنيش نفسك، انت مين أنت قدام إرادة ربنا».
وصفة سحرية
وأضافت سالي «أنا مش بستنى لحد يقولي معلومة، في وصفة سحرية حلوة أوي وهي قراءة سورة يوسف ومريم والبقرة ويس ولو عايزة زيادة رزق تبقى الواقعة».
في سياق متصل، علقت الإعلامية ريهام سعيد خلال تقديم حلقة خاصة مع سالي عبد السلام، على الاستعدادات والتجهيزات قبل تقديم الحلقة، قائلة: «كان نفسي اشتغل مذيعة راديو عشان مقعدش أجهز كل التجهيز دا قبل الحلقة وعشان ألبس البيجامة وأنزل، أنا بخلص الهوا وببقى عايزة أروح بأي طريقة عشان مليش في الميكب واللبس والجو دا، يعني انتي يا سالي شوفي انتي حاطة كام حلق في ودانك».
حوار طريف ومحرج
وقالت سالي عبد السلام: «أنا حطيت الحلقان دي قبل ما أجي وبحب أهتم بالتفاصيل جدا، وساعات أعرف أنان بيها وأوقات لا»، لترد ريهام سعيد قائلة: «يعني انتي لو نمتي على ودنك كده بتنامي على كل الحلقان دي».
وأضافت سالي عبد السلام: «الجمال محتاج معاناة، والدبلة مش بقدر ألبسها لكن خواتم عادي»
وأكدت ريهام سعيد: «أنا لو لبست حلق أو خاتم أحس إني مخنوقة، بحس إن الناس اللي زيك كده يا سالي هما دول النجوم»، لتفاجئها سالي قائلة: «أومال يختي بختنا قليل ليه».
في وقت سابق، أثارت الإعلامية ريهام سعيد الجدل من جديد بمنشور تهاجم به الفنان أحمد العوضي، عبر حسابها الرسمي على موقع التواصل الإجتماعي فيسبوك، ولكن حذفته بعد دقائق من نشره.
