ريهام سعيد تكشف سبب انتقادها لأحمد العوضي: بيشتري النجاح بالفلوس وبيستفز الناس
في بث مباشر جديد، علقت الإعلامية ريهام سعيد على خلافها مع الفنان أحمد العوضي وسبب المشادة بينهما والتي تطورات إلى اتهامات متبادلة.
قي البداية أعربت ريهام سعيد عن استيائها من الجدل الدائر على السوشيال ميديا، وقالت في لايف عبر صفحتها الرسمية بموقع فيسبوك:"السوشيال ميديا بقيت بتعمل فتنة وأنا مشفقة على الصفحات اللي بتخلق مشكلة بين ممثل وممثل أو ممثل ومذيع، وبقول لكم فلوسكم حرام وبتأكلوا عيالم حرام".
وأضافت في حديثها عن أحمد العوضي:"الأستاذ متعود يعمل مسابقات على الصفحة عنده بفلوس، وفي حد اقترح عليه وقاله عاوز تزود متابعينك اعمل مسابقات فيها فلوس وناس كتير هتدخلك، أنا واحدة جات تمسك لي الصفحة من فترة وقالت لي تذيعي العمليات والخير اللي بتعمله، وقلت لهم عاوزيني اتاجر بالناس المريضة علشان المتابعين؟ وهو متخيل ان لما يكون فيه ريتش جامد ده نجاح، لكن ده نجاح بشتريه بفلوس".
وتابعت: “كان طالع في لايف أخير بيعمل مسابقة من المسابقات بيقول بما إني الأعلى أجرا أحب أرد لكم الجميل وتكسبوا معايا وانتم اللي عملوتني وهكذا، التصريح كان مستفز لناس كتير أوي، فيه ناس هتقولي إنتي مالك، هو مش بيقولي أنا، لأ أنا ممثلة وفي بطاقتي ممثلة ومعايا كارنيه نقابة المهن التمثيلية، أنا زميلة مش مذيعة رغم إني بشتغل مذيعة، وبعشق الفن والفنانين وهفضل ممثلة حتى لو مش بشتغل”.
وأكملت ريهام سعيد: لما تقول الأعلى اجرا والأنجح كان في نفس الوقت بالظبط ياسمين عبد العزيز طالعة مع منى الشاذلي ومكانش باين عليها إنها مبسوطة خالص، واللايف اللي بعده وكان بيوجع أوي قال أنا هتجوز السنة الجاية وهخلف اللي بعديها، كان ياسمين سبق وطلعت وقالت إنها كانت هتموت في عملية لأنها كانت عاوزة تخلف، أي حد في الدنيا هيعمل لايف هيستفز به الناس ما يزعلش من رد الفعل".
