«قالولي بنتك الباص كان هيدوسها».. ننشر أقوال المتهمة بضرب مشرفة بالعمرانية|خاص

كشفت تحقيقات النيابة العامة بالجيزة، في القضية رقم 16031 لسنة 2025 جنح العمرانية،  تفاصيل جديدة من خلال الاستماع لأقوال المتهمين والمجني عليها.

نص التحقيقات مع المتهمين 

وحصل موقع « نيوز رووم»  على نص التحقيقات مع المتهمين بالتعدي على مشرفة بإحدى المدارس الخاصة بمنطقة العمرانية، وتشويه وجهها، بزعم قيامها بتوبيخ ابنتهما.

أقوال المتهمة بالتعدي على مشرفة باص مدرسة بالمعرانية

الاسم: اية

س/ ما قولك فيما هو منسوب إليك من أنكِ متهمة بالتعدي بالضرب على المجني عليها/ دينا وإحداث إصابتها الموصوفة بالتقرير الطبي المرفق والتي أعجزتها عن أشغالها الشخصية مدة تزيد على عشرين يوما وكان ذلك عمداً مع سبق الإصرار ؟
ج/ محصلش.

س/ ما الذي حدث إذاً وما هي ظروف ضبطك وعرضك علينا؟

ج/حصل أن دينا دى المشرفة بتاعت باص بنتى، ولاقيت حد من المدرسة بيكلمنى، بيقولى بنتك باص المدرسة كان هيدوس عليها، عشان المشرفة سايباها وماشية والبنت ماشية لوحدها، فا انا كام طبعاً، قلبى اتحرق وكنت قاعدة على نار، فا لما الباص وصل، بقول لدينا المشرفة ايه الى حصل، قالتلى محصلش حاجة ما هي كويسة قدامك أهى، قمت قايلالها، أنا بقولك عايزة اعرف ايه الى حصل، قامت زقتنى، فا أنا كنت هقع فا مسكت فيها عشان مقعش.

و قمت واقعة أنا وهى، ولما وقعنا على الأرض، انا سندت عليها وقعت، لاقيت الطرحة بتاعنى انقلعت، فا لما الطرحة اتقلعت، أنا كان كل همى انى أجيب الايشارب، لاقيتها جاية ورايا وعايزة تضرينى، فا انا قمت سايباها وماشية، والموضوع خلص، ولاقيت الفيديو انتشر بس الفيديو مقصوص، وبعدين، عرفت انها عاملة محضر، فالاقيت القسم جولى وقالولى تعالى عايزينك عشان الفيديو والمحضر وبس جينا على هنا انهاردة، انا عايزة اثبت أن هى كمان ضربتنى وعملتلى إصابات على فكرة.

س/ متي واين حدث ذلك؟
ج/ الكلام دا حصل يوم الاتنين 2025/12/8 الساعة 3:45 مساءً ورا البيت في عماير منتصر

س/ ما سبب ومناسبة تواجدك بالمكان والزمان سالفي الذكر؟
ج/ كنت مستنية بنتي من المدرسة عشان إلي كلموني وقالولى أن هي كان الباص هيدوس عليها

س/ من كان برفقتك آنذاك؟ 
ج/ كان معايا زوجي وولادي

س/ من القائم على مهاتفتك تحديداً لإبلاغك بأن كريمتك كادت أن تتعرض لما ابديتِ؟ 
ج/ كذا حد كلمني

س/ اذكريهم؟
ج/ مش فاكراهم دلوقتى

س/ ما هي ارقام الهواتف الجوالة التي هاتفوكِ منها؟
ج/ لا مش فاكرة

س/ ما الذى ابلغوك به تحديداً؟
ج/ قالولى بنتك باص المدرسة كان هيدوس عليها، عشان المشرفة سايباها وماشية والبنت ماشية لوحدها

إحالة المتهمين للمحاكمة

وكانت قررت النيابة العامة بالجيزة، في وقت ستبق إحالة المتهمين بالتعدي على مشرفة بإحدى المدارس الخاصة بمنطقة العمرانية للمحاكمة، وذلك على خلفية اتهامهما بالاعتداء عليها وتشويه وجهها، بزعم قيامها بتوبيخ ابنتهما.