«شدتني من شعري وضربتني».. مشرفة باص تكشف تفاصيل الاعتداء عليها بالعمرانية| خاص
كشفت تحقيقات النيابة العامة بالجيزة، في القضية رقم 16031 لسنة 2025 جنح العمرانية، تفاصيل جديدة من خلال الاستماع لأقوال المتهمين والمجني عليها.
أقوال مشرفة الباص ضحية التعدي على
وحصل موقع « نيوز رووم» على نص التحقيقات مع مشرفة الباص بإحدى المدارس الخاصة بمنطقة العمرانية، المجني عليها وتشويه وجهها، بزعم قيامها بتوبيخ ابنتهما.
الاسم: دينا ضياء
السن: 22 سنة
المهنة: مشرفة اوتوبيس بمدرسة العمران سمارت
س / ماذا تمتهنين تحديداً؟
ج/ مشرفة اوتوبيس بشركة مهربيل ومختصة بخط مدارس لاحياء فيصل والمطبعة والطالبية
س/ ما اسم المدرسة محل عملك؟
ج/ العمران سمارت
س/ ما هي طبيعة تلك المدرسة؟
ج/ مدرسة خاصة
س/ این تقع؟
ج/ بعد شبرا منت في المريوطية
س/ منذ متى انت تباشرين تلك المهنة
ج باقلي في المجال 4 سنين وفي المدرسة دى بقالي 4 شهور من أول الدراسة
س/ ما هي مواعيد عملك تحديداً؟
ج/ من 6 الصبح ل 8 الصبح ومن 1 الظهر لحد 4 العصر
س/ ما هي اختصاصات تلك الوظيفة تحديداً؟
ج /بأخذ بالى من الطلاب واستلمهم من أهلهم واروحهم ثاني بعد المدرسة ما تخلص
س/ ما طبيعة علاقتك بالطلاب محل اشرافك؟
ج/ علاقتي بيهم حلوة جداً لدرجة ان في أولياء أمور بتكلمنى تقولى انت احن على ابنى منى، وفي أطفال مش بترضى تروح المدرسة غير لما انا الى اقولهم بلا من كثر حيى فيهم وحبهم فيا
س/ أسبق وان اشتكاك أحد الطلاب أو أولياء الأمور ؟
ج/ لا خالص
س / ما هي تفصيلات الواقعة تحديداً؟
ج/ إلى حصل أن انا كنت رايحة اركب الباص بتاع المدرسة، فا واحنا معدين فجأة وقف قدامنا باص ثاني، وفرمل جامد، فا في أطفال اتخصت، والبنت الى اسمها / سارة احمد عيطت، ونزل مشرفة الباص الثاني زعقتلى انا مش عارفة ليه، فا في طلاب وبنات عيطوا ومنهم سارة، وبعد كدة بحاول اهدى البنت، فا بقولها مالك قالتلي عشان الباص والزعيق وكدة، فا طبطبت عليها، وجبتلها ايس كريم وقعدت العب معاها لحد ما هديت، وركبنا الباص بتاعنا وماشيين خلاص، وحاولت اكلم مامتها على شان ابلغها بالى حصل وأن بنتها عيطت واتخضت لاقيت موبايلها مقفول، وبعدها جينا بقى عند بيتها، استنيت لحد ما نزلت هي وزوجها، قامت فاتحة الباب والبنت ساعتها كانت نايمة على حجرى صحيتها ولابستها الشنطة، وقالتلى هو انتى بتزعفى لبنتى ليه، قلتلها انا مزعقتلهاش ولا حاجة، وقامت جايبانى من شعرى وقعتنى على الأرض وقعدت فوقى، وقعدت تضرب فيا جامد أوى لحد ما زقيتها عشان تقوم من عليا، ولما قمت لاقيت الناس كلها بتبص على وشى، فا بقولهم في ايه قالولى وشك متشرح وجايب دم من كل حتة، وبعدين رحت على القسم عملت محضر، ويعتونى على مستشفى أم المصريين، كشفوا عليا ولاقيت وشي ودماغي و ضهری متشرحیت خالص وكدمات في جسمي كله وبس دا الى حصل.
س متى وأين حدث ذلك تحديداً؟
ج الكلام دا حصل يوم الاثنين 2025/12/8 في عمارات منتصر بعد نادي الطالبية
س/ ما سبب تواجدك بالزمان والمكان سالفي الذكر ؟
ج كنت بوصل بنت من البنات بيتها
س/ وماهي الوسيلة التي كنت تستقلها آنذاك؟.
ج / باص المدرسة
س/ وملك من تحديدا المركبة الآلية مارة البيان؟
ج بتاع الشركة بتاعت مهرابيل
س / من كان برفقتك آنذاك؟
ج الأطفال وعلى السواق.
س/ ما هي بيانات سالفي البيان تحديداً؟
ج مش عارفة بصراحة اسمه بالكامل بس هجيبه.
س / ألحق بك ثمة إصابات؟
ج نعم.
س / صفيها على وجه التحديد؟
ج خرابيش وكدمات في وشي وراسي و جسمي كله وودنى الشمال وجعانى ومش بقدر اجي جنبها وزغللة ودوخة.
س/ من محدث إصابتك على وجه التحديد؟
ج/ اية سمير حافظ
س/ أتوجد ثمة سابق علاقة أو خلافات فيما بينك وبين سالف البيان؟
ج/ لا هي والدة سارة البنت إلى بروحها من المدرسة
س/ أمن المعتاد ان تنتظر المتهمة كريمتها اسفل العقار محل سكنهم؟
ج /لا دى أول مرة اوصلها مش عارفة
س/ هل اشترك مع المتهم ثمة آخرين في إحداث إصابتك؟
ج /هو زوجها الى اسمه احمد رشاد
إحالة المتهمين للمحاكمة
وكانت قررت النيابة العامة بالجيزة، في وقت ستبق إحالة المتهمين بالتعدي على مشرفة بإحدى المدارس الخاصة بمنطقة العمرانية للمحاكمة، وذلك على خلفية اتهامهما بالاعتداء عليها وتشويه وجهها، بزعم قيامها بتوبيخ ابنتهما.
