أيمن عبد العزيز: المنتخب يعيش عبث كروي واللاعبون فقدوا شغفهم

قال الكابتن أيمن عبد العزيز، المدرب المساعد السابق لمنتخب مصر، إن بمجرد الإخفاق، سوف يكون هناك اتهامات من الجميع، مضيفًا:"مش ها يحصل حاجة هايقعدوا كام يوم يتبادلوا الاتهامات لحد ما ننسى".

إحنا مش بنعمل حاجة علشان نطور في نفسنا"

وأشار خلال مداخلة هاتفية عبر قناة إم بي سي مصر، إلى أنه خلال الذهاب إلى أمم إفريقيا، سوف تنسى الأشخاص ما حدث، أو يحدث إخفاق، وبعدها يتم إلقاء الاتهام على المنتخب الأول، مضيفًا:"إحنا مش بنعمل حاجة علشان نطور في نفسنا".

وتابع:" كل المنتخبات عندها تطور في كل حاجة، لاعيبة ومدربين، ونعيش في عبث كروي منذ فترة طويلة، الدوريات العربية تتفوق على الدوري المصري ومش هتقدم حاجة جديدة في أي بطولة".

وأضاف:" اللاعيبة عندنا مابقتش جعانة كورة، بياخدوا مبالغ خرافية، اللاعيبة عاملة زي البهوات، وفي لاعيبة في دول زي فرنسا وتركيا، وبولندا، وبلجيكا، مش بياخدوا فلوس زي اللاعيبة عندنا، ده في لاعيبة في مصر  بتاخد 2 مليون دولار، اللاعيبة عليها دور كبير، مابقاش عندها شغف".

واستطرد:"هناك احتقان بين أجهزة المنتخب المصري الأول والثاني، ومفيش بينهم تفاهم، وكل واحد بقي عنده مصلحة شخصية".

ومن جانبه، قال الإعلامي والمحامي الدولي خالد أبو بكر، إن خسارة منتخب مصر أمام الأردن بثلاثية نظيفة تمثل خيبة أمل كبيرة، مؤكداً أنه كان يتوقع نتيجة أقل حدّة.

وأوضح أبو بكر، خلال تقديمه حلقة من برنامج «آخر النهار» المذاع على قناة النهار: «كنت متوقع إننا نتغلب 3، وكنت بقول هنتعادل أو يحصل أي حاجة، أو على الأقل 2-1 لكن 3-0 خيبة أمل كبيرة جدًا». 

وأشار إلى أن المنتخب يعاني من مشكلة كبيرة وحالة ارتباك واضحة، وهو ما ينعكس على الجماهير التي يتأثر مزاجها العام بنتائج الفريق الذي تشجعه، وخاصة منتخب مصر الذي يمثل كل المصريين.

نتغلب 3 من الأردن الموضوع محتاج وقفة 

وأضاف الإعلامي: «إنه إحنا نتغلب 3 من الأردن الموضوع محتاج وقفة عايزين نغير، لكن الحقيقة أنا مش عارف إحنا عايزين إيه، أو مش عارف إيه الطريق اللي هيودينا لأفضل من اللي إحنا فيه».