أحمد موسى: منتخب مصر في كأس العرب «تعبان ومكسحين».. والمنظومة غائبة
قال الإعلامي أحمد موسى:" روحنا كأس العرب، بمنتخب تعبان وشويه مكسحين، مفيش كورة، ألف باء رياضة مش موجودة، أول ماتش الكويت قولت المنتخب ده لازم يرجع النهاردة، ما يكملش، يوم الإمارات، النهاردة قولت يمكن، أنا عارف قوة منتخب الأردن، المنتخب الللي فاز علينا النهاردة ده التاني، لو الأول كان بيلاعبنا، كان فاز علينا 6، 7، الأردن هيعمل شغل كويس في كأس العالم.
الناس ملهاش علاقة بمنتخب أول وتاني
وأضاف، خلال تقديمه برنامج على مسؤوليتي:"ناصر ماهر فين، طاهر محمد طاهر فين، الناس ملهاش علاقة بمنتخب أول وتاني، الناس ليها علاقة بمنتخب مصر، دي سمعة مصر، فين المنظومة، مين اللي بيتكلم عن سمعة البلد، بوجه كلامي لكل المسؤولين من وزير الشباب والرياضة لأصغر مسؤول، مكنتش تروح، هتقولي لجنة، مفيش حاجة اسمها لجنة.
منتخب محترم
وتابع:"باين من دلوقتي، ليه معملتوش منتخب محترم مع بعض يروح الدوحة، كل واحد خد الحتة بتاعته، وراح بيها، آلاف رايح يشجعوا بيعيطوا واحنا بنعطي، أنا ما اشوفتش كورة من بعد حسن شحاته ربنا يديه الصحة، اللي لاعب البرازيل وايطاليا، عندنا صلاح، ومرموش، ومصطفى محمد".
في أعقاب الخسارة القاسية لمنتخب مصر في بطولة كأس العرب 2025، خرج حلمي طولان المدير الفني لمنتخب مصر الثاني بتصريحات نارية، اتسمت بالصراحة الكاملة والاعتراف بالمسؤولية، لكن مع كشفه لكواليس غير معلنة حول ظروف إعداد الفراعنة للبطولة.
طولان أكد أن المنتخب خاض البطولة «وهو وُلد يتيمًا»، في إشارة إلى غياب الدعم والتجهيز المناسبين قبل المشاركة في واحدة من أقوى البطولات الإقليمية.
منتخب بلا دعم.. ومسؤول واحد يتحمل الإهانة
قال طولان إن دعم المنتخب قبل المشاركة كان شبه معدوم، موضحًا: «لم يدعم منتخب مصر إلا اثنان فقط. الجماهير والإعلام على عيني وراسي، لكن قبل ما أجي هنا محدش دعمني ولا وقف مع المنتخب».
وشدد على أن المسؤولية الأكبر تقع على عاتق جهة واحدة فقط، قائلًا: «المسؤول عن هذه الإهانة هو شخص واحد فقط.. هو من بيده إيقاف الدوري، وهو من ضحّى بسمعة منتخب مصر».
