ياسمين عز: بلاش هدايا قبل الجواز.. والراجل اللي يحط نيفيا انسحبي فورًا
واصلت الإعلامية ياسمين عز حديثها المثير للجدل حول تعامل الفتيات مع الرجال قبل الارتباط الرسمي، مؤكدة أن هناك حدودًا يجب الالتزام بها سواء في الهدايا أو المشاعر أو المعاملة داخل العمل أو خارجه.
اعملي خير مع أخوكي مش مع زميل بتحلمي بيه
وقالت عز خلال حلقتها من برنامج "كلام الناس": "لما تعاملي أخوكي الصغير بأسلوب كويس بتاخدي ثواب، لكن بتحاسبيه على الجنيه في البيت، تروحي تجيبي لزميلك أكل بـ400 جنيه؟ قوليلي فلوسك بتروح فين؟".
وأكدت أن بعض الفتيات يفرطن في الاهتمام المالي والعاطفي قبل وجود علاقة رسمية.
رفض تام للهدايا قبل الارتباط
وأضافت: "إوعي تجيبي هدايا لحد قبل ما تتجوزي هو اللي لازم يجيب، ليكي ولكل الناس والجيران لازم شيماء جالها، لازم يجيبلك حلويات أنتي وأصحابك".
وتابعت : "يجيبلكم صندوق النمنميات.. الصندوق اللي فيه كل حاجة حلوة وشوكولاتة، وعليه رباط من فوق".
الرجولة مسؤولية مش كريم نيفيا
وفي جزء آخر من حديثها، أشارت عز إلى أهمية الصفات التي يجب أن تبحث عنها المرأة في شريك حياتها، قائلة: "لازم الراجل اللي تتجوزيه تكون صفات الرجولة فيه أعلى منك، ماينفعش يهتم بنفسه أكتر منك، وإوعي يحط كريم نيفيا في رجله".
ضرورة التأكد من الحالة الاجتماعية
وشددت عز على أهمية التأكد من الوضع القانوني للرجل قبل التفكير في الارتباط: "لازم يكون سنجل.. أعزب.. أرمل. ولو قالك مراتي متوفية لازم تتأكدي أنها فعلًا متوفية ولازم يكون منفصل رسمي وموثق، مش كلام شفهي".
واختتمت حديثها برسالة شخصية: "شيماء.. أنا بحبك وعايزاك تتجوزي السنة دي. عايزة أقولك مبروك من دلوقتي. عايزين خطوبة السنة دي وزواج".
أثارت الإعلامية ياسمين عز جدلًا جديدًا بتصريحاتها حول أسلوب تعامل السيدات مع الزملاء داخل بيئة العمل، مؤكدة أن هناك حدودًا يجب الالتزام بها “احترامًا للبيت والزواج والخصوصية”.
ما تسأليش المتجوز
وقالت عز خلال حلقتها من برنامج "كلام الناس" المذاع عبر قناة MBC مصر: "في الشغل مفيش حاجة اسمها: أستاذ محمد انت فطرت؟ وانتي مالك؟ هو متجوز وملكيش دعوة بيه عيب يا بنت! لا يجوز تفطريه ولا تسألي عنه".
