ياسمين عز: المتجوز خط أحمر.. والسنجل يصطاد بالفطار والجبنة الرومي

أثارت الإعلامية ياسمين عز جدلًا جديدًا بتصريحاتها حول أسلوب تعامل السيدات مع الزملاء داخل بيئة العمل، مؤكدة أن هناك حدودًا يجب الالتزام بها “احترامًا للبيت والزواج والخصوصية”. 
 

 ما تسأليش المتجوز  

وقالت عز خلال حلقتها من برنامج "كلام الناس" المذاع عبر قناة MBC مصر: "في الشغل مفيش حاجة اسمها: أستاذ محمد انت فطرت؟ وانتي مالك؟ هو متجوز وملكيش دعوة بيه  عيب يا بنت! لا يجوز تفطريه ولا تسألي عنه".

وأضافت أن السؤال عن تفاصيل شخصية، خاصة لرجل متزوج، يعتبر تجاوزا غير مقبول في بيئة العمل.

 لو ناوية تتجوزي زميلك العازب 

وتابعت عز: "لكن لو عاوزة تتجوزي زميلك اللي مش متجوز… هنا ممكن تقولي: أستاذ محمد انت فطرت؟ ولا تفطر معانا؟ مع حركة كتف خفيفة".

وأكملت: "هيقولك مفطرتش، هفطر معاكم… حتى لو كان فاطر طبقين فول قبلها، هيفطر معاكي".

ادفعي واعملي حسابك

وأكدت عز أنه في حال رغبة المرأة في لفت انتباه زميل غير مرتبط، فعليها تحمل تكلفة الفطار دون انتظار مساهمة منه، قائلة: "اروحي اجيبي الفطار بفلوسك  جيبي جبنة رومي، وادفعي 400 جنيه  مش انتي عايزة تتجوزي؟ ادفعي".

وأضافت: "لما يجي يقولك حسابك كام؟ قولي: 17 جنيه  هيقولك: كل ده بـ17 جنيه؟.. هنا هيعرف إنك ست بيت".

آخر الشيفت هتبقي متجوزاه

وأكملت مازحة:"بعدها آخر الشيفت؟ هتلاقي نفسك متجوزاه خلاص".

واختتمت رسالتها بالتحذير قائلة: "لكن موظف متجوز؟ متقربيش منه. مراته أولى بيه… واحترمي بيت غيرك".

وفي نفس السياق، انتقدت الإعلامية ياسمين عز الهجوم الكبير الذي تعرض له فيلم "الست" الذي يجسد سيرة كوكب الشرق أم كلثوم، وتقوم ببطولته الفنانة منى زكي، مؤكدة أن الانتقادات بدأت مبكرًا بمجرد طرح البرومو، قبل مشاهدة العمل كاملًا أو تقييمه بشكل موضوعي.

 البرومو لا يكفي للحكم  

وقالت ياسمين عز خلال برنامجها "كلام الناس" على قناة MBC مصر: "أنا عايزة أفهم، إيه النقد اللي ممكن يتحكم على فيلم من مجرد برومو؟ الفيلم بالحجم ده مش هيتعمل من غير تفاصيل دقيقة".

وأشادت عز بالدقة في الملابس والإكسسوارات قائلة إن التفاصيل تشبه تمامًا ما كانت ترتديه أم كلثوم في الواقع، مضيفة أن فريق العمل يضم مجموعة كبيرة من الممثلين الموهوبين منهم عمرو سعد، أمينة خليل، كريم عبد العزيز.